Viral Video: నోయిడాలో షాకింగ్ ఘటన వెలుగుచూసింది. సెక్టార్-63లో తల్లితో కలిసి రోడ్డుపై ఆడుకుంటున్న ఓ బాలికను కారు ఢీ కొట్టింది. ఈ ఘటనకు సంబంధించిన సీసీటీవీ వీడియో తాజాగా సోషల్ మీడియాలో దర్శనమిచ్చింది. ప్రస్తుతం బాలిక పరిస్థితి విషమంగా ఉండడంతో ఆస్పత్రిలో చేరింది. నిందితుడైన కారు డ్రైవర్ ప్రస్తుతం పరారీలో ఉన్నాడు. అతని కోసం పోలీసులు వెతుకుతున్నారు.
ఈ ఘటన శుక్రవారం అర్థరాత్రి చోటుచేసుకుంది. ఆమె తల్లి ఎదుటే కారు డ్రైవర్ కూతురిని తొక్కేయడంతో విషాదం నెలకొంది. ప్రమాదం గురించి చుట్టుపక్కల వారితో చెప్పడంతో జనం గుమిగూడారు. గాయపడిన బాలికను చికిత్స నిమిత్తం సమీప ఆసుపత్రికి తరలించారు. అక్కడ అమాయకురాలి పరిస్థితి విషమంగా ఉన్నట్లు సమాచారం.
ఈ ఘటన పోలీస్ స్టేషన్ సెక్టార్-63 ఏరియాలోని సెక్టార్-63ఎలోని బి బ్లాక్‌లో చోటుచేసుకుంది. అక్కడే అద్దెకు ఉంటున్న ఓ మహిళ తన 19 నెలల కుమార్తెను ఇంటి ముందు ఉన్న రోడ్డుపై ఆడిపిస్తుంది. ఈ తరుణంలో అప్పుడే వేగంగా వచ్చిన కారు చిన్నారిని ఢీ కొట్టింది. అయితే గాయపడిన బాలికను చూసేందుకు కారు డ్రైవర్ వెంటనే కారును ఆపి కారు దిగి వచ్చాడు.
కారు డ్రైవర్ గాయపడిన బాలికను చికిత్స నిమిత్తం సమీప ఆసుపత్రికి తీసుకెళ్లి, అక్కడి నుంచి పరారయ్యాడు. ఈ ఘటన అంతా అక్కడ అమర్చిన సీసీటీవీ కెమెరాలో రికార్డయింది. ఈ ఘటనపై పోలీసులకు సమాచారం ఇవ్వగా కేసు నమోదు చేశారు. ప్రస్తుతం ప్రైవేటు ఆసుపత్రిలో చిన్నారి చికిత్స తీసుకుంటుంది.
#Noida: A toddler was critically injured after she was crushed by a car when she was playing with her mother infront of her house in Noida's sec 63, B block.
The 18 mnth old girl child was immediately rushed to Kailash Hospital, her condition is said to be critical.
A case… pic.twitter.com/2ZpRGmX5CO
— Saba Khan (@ItsKhan_Saba) June 29, 2024