Wimbledon 2024: Alcaraz win: లండన్ వేదికగా వింబుల్డన్ టెన్నిస్ టోర్నీ ప్రారంభమైంది. తొలి రౌండ్లో టాప్ సీడ్ ఆటగాళ్లు గెలుపొంది తర్వాత రౌండ్కు అర్హత సాధించారు. పురుషుల సింగిల్స్ విభాగంలో ఫ్రెండ్ ఓపెన్ విన్నర్ కార్లోస్ అల్కరాస్ సెకండ్ రౌండ్లోకి అడుగుపెట్టాడు.
సోమవారం సాయంత్రం జరిగిన మ్యాచ్లో మూడో సీడ్ ఆటగాడు అల్కరాస్.. లజల్ ఎన్తోనియాపై వరుస సెట్లలో విజయం సాధించాడు. తొలి రౌండ్ నుంచి ఇరువురు ఆటగాళ్లు మధ్య పోరు ఉత్కంఠగా సాగింది. ఈ క్రమంలో తొలి రెండు సెట్లు టైబ్రేక్ దారి తీసింది. అందులో విజయం సాధించిన అల్కరాస్, మూడో సెట్లో ప్రత్యర్థి లజల్ ఏమాత్రం ఛాన్స్ ఇవ్వలేకపోయాడు. దీంతో వరుస మూడు సెట్లను 7-6, 7-5, 6-2 తేడాతో గెలిచి తర్వాత రౌండ్కు అర్హత సాధించాడు.
Picking up where he left off…@carlosalcaraz advances to the second round, beating Mark Lajal 7-6(3), 7-5, 6-2#Wimbledon pic.twitter.com/TeyEXfAopw
— Wimbledon (@Wimbledon) July 1, 2024
తొలిరౌండ్లో రష్యాకు చెందిన మరో సీడ్ ఆటగాడు డేనియల్ మెద్విదేవ్ శుభారంభం చేశాడు. తొలిరౌండ్ లో సెర్బియాకు చెందిన అలెగ్జాండర్ కొవసెవిచ్ను వరుస సెట్లలో ఓడించాడు. తొలి నుంచి ప్రత్యర్థి నుంచి ఎలాంటి ప్రతిఘటన ఎదుకాకపోవడంతో మెద్విదేవ్ వరుస సెట్లను 6-3, 6-4, 6-2 తేడాతో విజయం సాధించాడు.
మహిళల సింగిల్స్ విభాగంలో జపాన్ క్రీడాకారిణి ఒసాకా సెకండ్ రౌండ్లో అడుగుపెట్టింది. తొలిరౌండ్లో ఫ్రాన్స్కు చెందిన పారీపై సంచలన విజయం సాధించింది. తొలిసెట్ను సునాయాశంగా గెలుచుకున్న ఒసాకా, రెండ్ సెట్లో ప్రత్యర్థి నుంచి ప్రతిఘటన ఎదురైంది. దీంతో మూడో సెట్ ఇరువురు క్రీడాకారుణుల మధ్య నువ్వానేనా అన్నట్లుగా పోరు సాగింది. చివరకు ఒసాకాదే పైచేయి అయ్యింది. దీంతో మూడు సెట్లను 6-1, 1-6, 6-4 తో ఒసాకా గెలుపొందింది.
Trademark Naomi Osaka power 👊
For the first time since 2019, Naomi Osaka returns to Wimbledon, with a win ❤️#Wimbledon pic.twitter.com/tmW9DRCIWB
— Wimbledon (@Wimbledon) July 1, 2024
మరో మ్యాచ్లో గ్రీస్కు చెందిన తొమ్మిదో సీడ్ ప్లేయర్ సకారి శుభారంభం చేసింది. ఆమె 6-3, 6-1 తేడాతో అమెరికాకు చెందిన కెప్లెర్ను చిత్తు చేసింది.