KL Rahul : భారత స్టార్ క్రికెటర్ కేఎల్‌ రాహుల్, బాలీవుడ్ నటి అతియాశెట్టి. ఇప్పుడు ట్రెండింగ్ లో ఉన్న కపుల్. తాజాగా ఈ జంట వివాహం జరిగింది. అతిథులు, కుటుంబసభ్యుల మధ్య వీరి పెళ్లిని అట్టహాసంగా నిర్వహించారు. అప్పటి నుంచి పెళ్లి ఫొటోలు సోషల్‌ మీడియాలో వైరల్ అవుతున్నాయి. ప్రముఖులు, నెటిజన్లు ఈ జంటకు శుభాకాంక్షలు తెలుపుతున్నారు. రాహుల్ -అతియా జోడికి వచ్చిన బహుమతులపై అనేక వార్తలు వైరల్ అవుతున్నాయి. ఈ క్యూట్ కపుల్ కు సినీ, క్రీడారంగంలోని ప్రముఖులు ఇచ్చిన గిఫ్ట్‌లు ఇవే.. అంటూ వార్తలు వస్తున్నాయి.
బాలీవుడ్ నటుడు సునీల్‌ శెట్టి తన కుమార్తె అతియాశెట్టికు పెళ్లి బహుమతిగా ముంబైవో విలాసవంతమైన ఫ్లాట్ ఇచ్చారని సమాచారం. ఈ ఫ్లాట్ విలువ రూ.50 కోట్లు ఉంటుందంటున్నారు. అలాగే సునీల్‌ శెట్టి క్లోజ్‌ ఫ్రెండ్‌ బాలీవుడ్ స్టార్ హీరో సల్మాన్‌ ఖాన్‌ కొత్త జంటకు రూ.1.64 కోట్లు విలువ చేసే ఆడీ కారు గిఫ్ట్‌ ఇచ్చారని టాక్ . అతియా శెట్టికి రూ.30 లక్షలు విలువ చేసే వాచ్‌ని బహుమతిగా ఇచ్చాడట బాలీవుడ్ నటుడు జాకీ ష్రాఫ్. అతియాకు అర్జున్‌ కపూర్‌ డైమండ్‌ హారం ఇచ్చినట్లు వార్తలు షికారు చేస్తున్నాయి.
రాహుల్ – అతియా జోడికి క్రికెటర్ విరాట్‌ కోహ్లీ బీఎమ్‌డబ్ల్యూ కారు ఇచ్చాడని వార్తలు వినిపిస్తున్నాయి. ఇక ధోని బైక్‌ను గిఫ్ట్‌ ఇచ్చాడని తెలుస్తోంది. రాహుల్- అతియా రిసెప్షన్ ముంబైలో గ్రాండ్‌గా నిర్వహించేందుకు ఏర్పాట్లు చేస్తున్నారు. ఇక రిసెప్షన్ వేదికపై ఈ క్యూట్ కపుల్ కు ఎలాంటి గిఫ్ట్స్ రాబోతున్నాయనే ఆసక్తి నెలకొంది.