Fans came in Large Numbers for Huge Victory Rally: 17 ఏళ్ల సుదీర్ఘ నిరీక్షణకు తెరదించుతూ టీ20 వరల్డ్ కప్ -2024 సాధించి విజయ పతాకాన్ని ఎగురవేసిన టీమిండియా గురువారం స్వదేశానికి చేరుకుంది. ఉదయం ఢిల్లీలోని ప్రధాని నరేంద్ర మోదీని కలిశారు. ఆయనతో కలిసి అల్పాహారం తీసుకున్నారు. ఆ తరువాత ముంబైకి బయలుదేరారు. ముంబైలోని మెరైన్ రోడ్డులో విజయోత్సవ ర్యాలీ నిర్వహించారు.
ప్రపంచ కప్ గెలిచిన టీమిండియా ఆటగాళ్లు ఓపెన్ టాప్ బస్ లో నిల్చుని రోడ్ షోలో పాల్గొన్నారు. రెండు గంటలపాటు సాగిన ఈ ఊరేగింపు నారీమన్ పాయింట్ నుంచి వాంఖడే స్టేడియం వరకు కొనసాగింది. టీమిండియా ఆటగాళ్లు వరల్డ్ కప్ ట్రోఫీని పట్టుకుని అభిమానులకు అభివాదం చేస్తూ మందుకుసాగారు. ఓపెన్ టాప్ బస్సులోంచి భారత ఆటగాళ్లు అభిమానులను ఉత్సాహపరిచారు. దీంతో తమ అభిమాన క్రికెటర్లను తమ ఫోన్లలో వీడియోలు, ఫొటోలు తీసుకునేందుకు పోటీ పడ్డారు.
విశ్వవిజేతలకు ఘన స్వాగతం పలికేందుకు క్రికెట్ అభిమానులు, ప్రజలు భారీగా ముంబైకి తరలివచ్చారు. మెరైన్ రోడ్డుకు మధ్యాహ్నం నుంచే ఫ్యాన్స్ భారీ సంఖ్యలో చేరుకున్నారు. దీంతో ఆ రోడ్డు మొత్తం అభిమానులతో నిండిపోయింది. వాళ్లంతా మువ్వన్నెల జెండాలను ప్రదర్శిస్తూ తెగ సందడి చేశారు. రాత్రి వాంఖడే స్టేడియంలో బీసీసీఐ ఆధ్వర్యంలో భారత జట్టుకు సన్మాన కార్యక్రమం నిర్వహించి రూ. 125 కోట్ల నగదు బహుమతిని అందజేశారు. అయితే, షెడ్యూల్ ప్రకారం సాయంత్రం ఐదు గంటలకే రోడ్ షో ప్రారంభం కావాల్సి ఉండగా.. భారత ఆటగాళ్లు ఢిల్లీ నుంచి ముంబైకి ఆలస్యంగా చేరుకున్నారు. దీంతో రోడ్ షో ఆలస్యంగా ప్రారంభమయ్యింది.
Also Read: నాడు విమర్శలు.. నేడు జేజేలు
అదేవిధంగా వాంఖడే స్టేడియంలో నిర్వహించిన కార్యక్రమానికి కూడా అభిమానులు పెద్ద ఎత్తున తరలివచ్చారు. ఉచిత ప్రవేశం కల్పించడంతో స్టేడియంలో అన్ని స్టాండ్స్ కూడా అభిమానులతో కిటకిటలాడాయి. టీమిండియా క్రికెటర్లు బీసీసీఐ ఏర్పాటు చేసిన ప్రత్యేక విమానంలో బార్బడోస్ నుంచి ఢిల్లీకి వచ్చారు. అక్కడి నుంచి ముంబైకి వచ్చిన విషయం తెలిసిందే. కాగా, టీమిండియా ప్లేయర్స్ ను స్వదేశానికి తీసుకువచ్చిన ఈ ప్రత్యేక విమానానికి ముంబైలోని ఛత్రపతి శివాజీ మహారాజ్ అంతర్జాతీయ విమానాశ్రమంలో ఎయిర్ పోర్టు సిబ్బంది స్పెషల్ వాటర్ సెల్యూట్ చేశారు.
#WATCH | Mumbai: A massive sea of people covers every inch of Marine Drive as fans cheer on and await Team India's arrival.
The team will have a victory parade shortly, to celebrate their #T20WorldCup2024 victory. pic.twitter.com/oibKAzzhZc
— ANI (@ANI) July 4, 2024
#WATCH | Rohit Sharma and Virat Kohli lift the #T20WorldCup2024 trophy and show it to the fans who have gathered to see them hold their victory parade, in Mumbai. pic.twitter.com/jJsgeYhBnw
— ANI (@ANI) July 4, 2024