OPPO F27 Pro+ 5G: OPPO F27 సిరీస్ స్మార్ట్ఫోన్ జూన్ 13న భారతదేశంలో విడుదల కానుంది. ఈ సిరీస్లో మూడు స్మార్ట్ఫోన్లు ఉండే అవకాశం ఉంది. Oppo F27, Oppo F27 Pro, Oppo F27 Pro+ 5G. గత కొంతకాలంగా సిరీస్ టాప్-ఎండ్ మోడల్ F27+ గురించి లీక్లు వస్తున్నాయి. ఇటీవల దాని మోడల్ నంబర్ గీక్బెంచ్లో గుర్తించబడింది. ఇప్పుడు భారతీయ టిప్స్టర్ దాని స్పెసిఫికేషన్లు, ధర లీక్ చేశారు. రాబోయే Oppo స్మార్ట్ఫోన్లో MediaTek Dimensity 7050 చిప్సెట్, 120Hz కర్వ్డ్ AMOLED డిస్ప్లే, 64-మెగాపిక్సెల్ మెయిన్ రియర్ కెమెరా, 5,000mAh బ్యాటరీ వంటి స్పెసిఫికేషన్లు ఉంటాయి.
Oppo F27+ స్పెసిఫికేషన్లు, ధర విషయానికి వస్తే టిప్స్టర్ ప్రకారం రాబోయే Oppo స్మార్ట్ఫోన్లో MediaTek Dimensity 7050 చిప్సెట్ అందుబాటులో ఉంటుంది. దీనితో UFS 3.1 స్టోరేజ్ లభిస్తుంది. ర్యామ్ సమాచారం అందిచలేదు. అయితే ఇటీవల ఈ స్మార్ట్ఫోన్ 8GB RAMతో Geekbenchలో టెస్ట్ చేశారు. కంపెనీ దీనిని 16GB RAM వేరియంట్లో కూడా విడుదల చేసే అవకాశం ఉంది.
Oppo F27 Pro+ 5G 6.7-అంగుళాల FHD+ కర్వ్డ్ AMOLED డిస్ప్లేను కలిగి ఉంటుంది. ఇది 120Hz రిఫ్రెష్ రేట్కు సపోర్ట్ ఇస్తుంది. ఇది 64-మెగాపిక్సెల్ మెయిన్, 2-మెగాపిక్సెల్ సెకండరీ సెన్సార్ను కలిగి ఉండే డ్యూయల్ రియర్ కెమెరా సెటప్ను కలిగి ఉంది. 8-మెగాపిక్సెల్ ఫ్రంట్ కెమెరా సెన్సార్ను కలిగి ఉంటుంది. ఇంకా ఫోన్ ఇన్-డిస్ప్లే ఫింగర్ ప్రింట్తో అమర్చబడి ఉంటుంది. ఫోన్ 67W ఛార్జింగ్ సపోర్ట్తో 5,000mAh బ్యాటరీతో వస్తుంది.
Also Read: డిస్కౌంట్లే డిస్కౌంట్లు.. వన్ప్లస్ బిగ్ గిఫ్ట్.. అన్నీ ఫోన్లపై భారీగా ఆఫర్లు!
Oppo F27 Pro+ 5G స్మార్ట్ఫోన్ భారతదేశంలో IP69 వాటర్ రెసిస్టెంట్ రేటింగ్తో వచ్చిన మొదటి ఫోన్ కావచ్చు. అదే సమయంలో Oppo F27 Pro+ 5G వేగన్ లెదర్ బ్యాక్ ప్యానెల్, ఆండ్రాయిడ్ 14తో రన్ అవుతుంది. ధర రూ. 30,000 కంటే తక్కువగా ఉండే అవకాశం ఉంది. వేగన్ లెదర్ ఫినిషింగ్ ఫోన్ వెనుక ప్యానెల్లో అందుబాటులో ఉంటుంది.