Honor 200 5G Launch In India Soon: చైనీస్ టెక్ బ్రాండ్ హానర్ కొత్త కొత్త స్మార్ట్‌ఫోన్లను రిలీజ్ చేస్తూ ఫోన్ ప్రియులను ఆకట్టుకుంటుంది. బడా కంపెనీలకు పోటీగా అదిరిపోయే ఫీచర్లు గల స్మార్ట్ఫోన్లు విడుదల చేస్తూ అదరగొడుతోంది. అయితే ఈ హానర్ కంపెనీ గత నెల జూన్‌లో Honor 200 5G సిరీస్‌ను చైనీస్ మార్కెట్‌లో లాంచ్ చేసింది. అయితే త్వరలో భారత్‌లోనూ ఈ సిరీస్‌ను లాంచ్ చేయనున్నట్లు తెలుస్తోంది. భారత మార్కెట్‌లో లాంచ్ కాబోయే హానర్ 200 5జీ సిరీస్‌లో.. హానర్ 200, హానర్ 200 ప్రో వంటి మోడల్స్ ఉన్నాయి.
ఈ స్మార్ట్ఫోన్లు ఇ-కామర్స్ సైట్ అమెజాన్‌లో ప్రస్తుతం లిస్ట్ చేయబడ్డాయి. ఇక వీటి ఫీచర్లు అండ్ స్పెసిఫికేషన్ల విషయానికొస్తే.. Honor 200లో Snapdragon 7 Gen 3 ప్రాసెసర్‌గా ఇవ్వబడింది. అలాగే 200 Proలో Snapdragon 8s Gen 3 ప్రాసెసర్ ఇవ్వబడింది. ఈ స్మార్ట్ఫోన్లు OLED ఫుల్ HD+ స్క్రీన్‌ని కలిగి ఉంటాయి. ఇది 100W ఫాస్ట్ ఛార్జింగ్‌కు మద్దతుతో 5200 mAh బ్యాటరీని ప్యాక్ చేస్తుంది.
Honor 200 అండ్ 200 Pro కోసం ల్యాండింగ్ పేజీ అమెజాన్‌లో లైవ్ పెట్టారు. అయితే ఈ స్మార్ట్‌ఫోన్‌ల లాంచ్ తేదీ గురించి ఎలాంటి సమాచారం అందులో పేర్కొనలేదు. ఈ స్మార్ట్ఫోన్లు ట్రిపుల్ రియర్ కెమెరా సెటప్‌ను కలిగి ఉంటాయి. ఇటీవల Honor 200 Pro మోడల్ నంబర్ ELP-NX9తో బ్యూరో ఆఫ్ ఇండియన్ స్టాండర్డ్స్ (BIS) వెబ్‌సైట్‌లో కనిపించింది. ఈ రెండు స్మార్ట్ఫోన్లు ఆండ్రాయిడ్ 14 ఆధారంగా MagicOS 8.0 పై రన్ అవుతాయి. ఇవి పూర్తి HD + (1,224 x 2,700 పిక్సెల్స్) స్క్రీన్‌ను కలిగి ఉంటాయి.
Also Read: ఫ్రంట్ కెమెరాతో హానర్ న్యూ స్మార్ట్‌ఫోన్.. మతిపోగొడుతున్న ఫీచర్లు!
ఈ సిరీస్ ప్రో మోడల్ 6.78 అంగుళాల డిస్ప్లేను కలిగి ఉంటుంది. బేస్ వేరియంట్ 6.7 అంగుళాల డిస్ప్లేను కలిగి ఉంటుంది. ఈ స్మార్ట్‌ఫోన్‌లలోని ట్రిపుల్ రియర్ కెమెరా సెటప్‌ల విషయానికొస్తే.. 50-మెగాపిక్సెల్ ప్రైమరీ కెమెరా, 50-మెగాపిక్సెల్ టెలిఫోటో కెమెరా, 12-మెగాపిక్సెల్ అల్ట్రా వైడ్ యాంగిల్ మాక్రో కెమెరాలు ఉన్నాయి. అలాగే సెల్ఫీలు, వీడియో కాల్స్ కోసం ఫోన్ ముందు భాగంలో 50-మెగాపిక్సెల్ కెమెరాను అందించారు. ఒకరకంగా చూస్తే కెమెరా పరంగా ఫోన్ అదిరిపోయేటట్టు ఉంది. హై క్వాలిటీతో ఫొటోలు మాత్రం ఓ రేంజ్‌లో రానున్నాయి. ఈ స్మార్ట్‌ఫోన్‌లలోని 5200 mAh బ్యాటరీ 100W వైర్డ్ ఫాస్ట్ ఛార్జింగ్‌కు మద్దతు ఇస్తుంది.
కాగా హానర్ నుంచి ఇటీవల మ్యాజిక్ 6 సిరీస్, మ్యాజిక్ V2 ఈ సంవత్సరం ప్రారంభంలో లాంచ్ అయ్యాయి. ఈ స్మార్ట్ఫోన్లు ఆండ్రాయిడ్ 14 ఆధారంగా MagicOS 8.0పై రన్ అవుతాయి. Qualcomm Snapdragon 8 Gen 3 SoC ప్రాసెసర్‌ను కలిగి ఉంటాయి. హానర్ మ్యాజిక్ V2 RSR అనేది మ్యాజిక్ V2 ఫోల్డబుల్ స్మార్ట్‌ఫోన్ పోర్షే డిజైన్ బ్రాండ్ వెర్షన్. ఈ స్మార్ట్‌ఫోన్‌లలో LTPO OLED డిస్‌ప్లే, ట్రిపుల్ రియర్ కెమెరా సెటప్ ఉన్నాయి. హానర్ మ్యాజిక్ 6 ప్రోలో 180-మెగాపిక్సెల్ పెరిస్కోప్ సెన్సార్, మ్యాజిక్ 6లో 50-మెగాపిక్సెల్ ప్రైమరీ కెమెరా ఉంది. Honor Magic 6 5450 mAh బ్యాటరీని కలిగి ఉంది. Magic 6 Pro 5600 mAh బ్యాటరీని కలిగి ఉంది.