First portable cellular phone call marks 50 years : ముందుగా ఫ్రీక్వెన్సీ ద్వారా ఫోన్లను కనిపెట్టారు. ఆ తర్వాత పోర్టబుల్ ఫోన్ నుండి ల్యాండ్ లైన్, సెల్ ఫోన్, స్మార్ట్ ఫోన్.. ఇలా ఎన్నో విధాలుగా ఫోన్ అనేది రూపాంతరం చెందుతూ వచ్చింది. సరిగ్గా 50 ఏళ్ల క్రితం న్యూయార్క్లో పోర్టబుల్ ఫోన్ నుండి మొదటి కాల్ వెళ్లింది.
1973 ఏప్రిల్ 3న పోర్టబుల్ ఫోన్ నుండి మొదటి కాల్ వెళ్లిన తర్వాత టెలికాం రంగంలో ఎన్నో మార్పులు చోటుచేసుకున్నాయి. అందుకే ఈ 50 ఏళ్ల వార్షికోత్సవాన్ని ఘనంగా జరుపుకోవాలని నిర్ణయించుకున్నాయి పలు టెక్నాలజీ సంస్థలు. ఈ వార్షికోత్సవం టెక్నాలజీలో జరిగిన ఎన్నో మార్పులకు గుర్తుగా వారు భావిస్తున్నారు. మొదటి కాల్ జరిగిన న్యూయార్క్లోనే ఈ వార్షికోత్సవ వేడుకలు ఏర్పాటు కానున్నాయి.
ఏప్రిల్ 3న న్యూయార్క్లోని హిల్టన్ హోటల్ మిడ్టౌన్లో సెలబ్రేట్ ది కాల్ పేరుతో వార్షికోత్సవ వేడుకలు జరగనున్నాయి. అంతే కాకుండా ఈ వేడుకల్లో భవిష్యత్తుకు సంబంధించిన పలు ఐడియాల అమలుకు కూడా టెలికాం సంస్థలు సన్నాహాలు చేస్తున్నాయి.
టెస్లా సైన్స్ సెంటర్ ఈ వార్షికోత్సవం గురించి ముందుగా అనౌన్స్ చేసింది. ఇందులో టెస్లాతో పాటు పలు అంతర్జాతీయ టెలికాం సంస్థలు పాల్గోనున్నాయి. పలువురు ప్రముఖ ప్రభుత్వోద్యోగులు, పారిశ్రామికవేత్తలు, టెక్నాలజీ పెద్దలు, మీడియా సంస్థలు ఈ వార్షికోత్సవానికి హాజరు కానున్నారు. సెలబ్రేట్ ది కాల్ ఈవెంట్కు ఇంకా సమయం ఉన్నా ఇప్పుడే దీనికి తగిన ప్రణాళికలను ఏర్పాటు చేసే పనిలో ఉన్నాయి టెలికాం సంస్థలు.
Follow this link for more updates:- Bigtv