Rahul Gandhi: రాహుల్ గాంధీ. కాంగ్రెస్ యువరాజు. దేశంలో మోస్ట్ ఎలిజిబుల్ బ్యాచిలర్. ప్రధాని మోదీలా సోలో లైఫే సో బెటర్ అనుకుంటున్నారో ఏమో. 52 ఏళ్లు వచ్చినా ఇం..కా పెళ్లే చేసుకోలేదు. రాహుల్..రాహుల్ పెళ్లెందుకు చేసుకోలేదు? అని అడిగితే.. ఒక్కోసారి ఒక్కో రీజన్ చెబుతుంటారు.లేటెస్ట్‌గా ఆయన తన మనసులో మాట బయటపెట్టారు. ఆ కోరిక మరింత విచిత్రంగా ఉంది. ఇంతకీ రాహుల్ ఏమన్నారంటే…

రాహుల్ గాంధీకి పిల్లలు కావాలని ఉందట. అవును, నిజమే. తనకు పిల్లలు ఉంటే బాగుండని తన మనసులోని భావన బయటపెట్టారు రాహుల్ గాంధీ. ఓ ఇటలీ పత్రికకు ఇచ్చిన ఇంటర్వ్యూలో ఈ విషయం వెల్లడించారు.

మరి, ఇంకా పెళ్లి ఎందుకు చేసుకోలేదని ప్రశ్నిస్తే. ఏమో. తనకే తెలీడం లేదని బదులిచ్చారు. ‘ఆ విషయం నాకే విచిత్రంగా ఉంది. వివాహం ఎందుకు చేసుకోలేదో తెలియదు’ అని చెప్పారు. చాలా పనులు చేయాల్సి ఉందని అన్నారు రాహుల్.

ఇక నానమ్మ ఇందిరాగాంధీపై తనకున్న ప్రేమను మరోసారి చాటుకున్నారు. గ్రాండ్ మదర్‌ ఇందిరాగాంధీకి తానంటే ఎంతో ఇష్టమని.. తనకు కూడా ఆమంటే ప్రేమని చెప్పారు. అయితే, ఇటలీలో ఉండే అమ్మమ్మ (సోనియా తల్లి) పావ్‌లామాయినోకు తన సోదరి ప్రియాంక గాంధీ అంటే ప్రాణమని అన్నారు రాహుల్ గాంధీ.

ఇక, భారత్ జోడో యాత్రలో బాగా గడ్డం పంచేసిన రాహుల్.. ఇప్పుడు ఆ గడ్డాన్ని ఉంచాలా? తీసేయాలా? అని ఆలోచిస్తున్నారట. ఏదో ఒకటి తాను నిర్ణయించుకోవాల్సి ఉందని అన్నారు.

Mallikarjun Kharge :2024లో కాంగ్రెస్ కూటమిదే అధికారం..ఖర్గే జోస్యం

Vivek Ramaswamy : అమెరికా అధ్యక్ష ఎన్నికలు.. రేసులో వివేక్ రామస్వామి.. ఎవరతను..?

Share

• 
• 
• 
• 
• 
•