CBI probing UGC-NET Paper Leak Case: యూజీసీ-నెట్ పరీక్ష పేపర్ లీకేజీ వ్యవహారంపై ఫోకస్ చేసింది సీబీఐ. ఇప్పటికే కేసు నమోదు చేసిన అధికారులు, ఎంక్వైరీ మొదలుపెట్టేశారు. ఈ కేసు దర్యాప్తు చేస్తున్న సీబీఐ అధికారులు, బీహార్‌లోని నవడా జిల్లా కాసియాదీ గ్రామానికి వెళ్లారు. వారిని స్థానికులు చుట్టిముట్టారు. ఆ తర్వాత దాడికి పాల్పడ్డారు.
మొబైల్ సిగ్నల్స్ ఆధారంగా నిందితులను పట్టుకునేందుకు నలుగురు అధికారులు,ఓ మహిళా కానిస్టేబుల్‌ తో కూడిన సీబీఐ టీమ్ కాసియాదీ గ్రామానికి వెళ్లింది. వాళ్లు నకిలీ అధికారులంటూ గ్రామస్థులు వారిపై దాడి చేసి వాహనాలను ధ్వంసం చేశారు. దాడి చేస్తున్నట్లు సమయంలో ఆ సన్నివేశాలను రికార్డు చేశామని, వీడియోల ఆధారంగా దాడికి పాల్పడిన వారిని గుర్తించే పనిలోపడ్డారు పోలీసులు.
చివరకు లోకల్ పోలీసుల సాయంతో సీబీఐ అధికారులు బయటపడ్డారు. అధికారులకు చిన్నచిన్న గాయాలయ్యాయి. ఈ ఘటనకు సంబంధించి నలుగుర్ని పోలీసులు అదుపులోకి తీసుకున్నారు. గుర్తు తెలియని మరో 200 మందిపై ఎఫ్ఐఆర్ నమోదు చేశారు. శనివారం సాయంత్రం జరిగిన ఈ ఘటన ఆలస్యంగా వెలుగులోకి వచ్చింది.
Also Read: అదృష్టం ఆ రైతుదే.. 25 లక్షల విలువ చేసే వజ్రం దొరికింది
నీట్, యూజీసీ నెట్ పేపర్ లీకేజీ వ్యవహారం దేశవ్యాప్తంగా సంచలనం రేపింది. న్యాయస్థానం జోక్యంతో నేషనల్ టెస్టింగ్ ఏజెన్సీ ఈ పరీక్షను రద్దు చేసినట్టు ప్రకటించిన విషయం తెల్సిందే.