70 People Injured Russia Train Accident: రష్యాలో ఓ పాసింజర్ రైలు పట్టాలు తప్పింది. ఈ ఘటనలో 70 మందికి తీవ్రగాయాలు అయ్యాయి. అందులో ఆరుగురు పరిస్థితి విషమంగా ఉన్నట్లు తెలుస్తోంది. నార్త్ కోమి రీజియన్లో ఈ ప్రమాదం చోటు చేసుకుంది.
రైలు పట్టాలు తప్పడంతో తొమ్మిది బోగీలు కోమి నదిలో పడిపోయాయి. అయితే ఘటన సమయంలో నీటి ప్రవాహం తక్కువగా ఉండడంతో పెను ప్రమాదం తప్పింది. లేకుంటే పరిస్థితి దారుణంగా ఉండేదని రైల్వే అధికారులు చెబుతున్నమాట.
ఘటన సమయంలో రైలులో దాదాపు 250 మంది ప్రయాణికులు ఉన్నట్లు తెలుస్తోంది. సమాచారం అందుకున్న వెంటనే రంగంలోకి దిగాయి రెస్క్యూ టీమ్లు. గాయపడిన బాధితులను వెంటనే అంబులెన్స్ లో సమీపంలోని ఆసుపత్రికి తరలించాయి. చాలామందికి స్వల్పంగా గాయలయ్యాయి.
కోమి రీజియన్లో ఇటీవల వరదలు వచ్చాయి. దీని కారణంగా రైలు పట్టాలు దెబ్బతిని ఉంటాయని అధికారులు భావిస్తున్నారు. ఈ ఘటనకు కారణం అదే ఉండవచ్చని అంచనా వేస్తున్నారు. మరో ట్రాక్ ఉన్నా రైలు ఇప్పట్లో పునరుద్ధరణ కష్టమేనని అంటున్నారు అధికారులు.
Also Read: నేపాల్పై ప్రకృతి కన్నెర.. భారీ వరదలకు 20 మంది మృతి!
Passenger train derails in northwestern Russia, leaving 70 injured@KremlinRussia_E #Russia #RussiaTrain #TrainAccident #northwestern #Komi #RIAnewsagency pic.twitter.com/BlIyOqAQJh
— ANAND SHUKLA (@anandshlive) June 26, 2024