Italy parliament MPs Fighting: ఇటలీ పరువు పోయిందా? ఒకవైపు జీ 7 సమావేశాలకు సిద్ధమవుతున్న తరుణంలో ఆదేశంలో ఊహించని ఘటన చోటు చేసుకుంది. ఇందుకు ఇటలీ పార్లమెంటు వేదికైంది. జీ7 సమాావేశానికి అభివృద్ధి చెందిన దేశాలకు సంబంధించి ముఖ్యనేతలంతా హాజరయ్యారు. ఇంకోవైపు అక్కడ పార్లమెంటులో ఎంపీలు ఫైటింగ్‌‌కు దిగడం ఆసక్తికరంగా మారింది. పార్లమెంటులో ఎంపీలు కొట్టుకునే పరిస్థితి ఎందుకు వచ్చింది? ఇవే ప్రశ్నలు ఇప్పుడు చాలామందిని వెంటాడుతున్నాయి.
జూన్ 12న ఇటలీలోని కొన్ని ప్రాంతాలకు సంబంధించి ఆర్థికంగా మరింత స్వేచ్ఛ ఇచ్చేలా ఉద్దేశించిన బిల్లును అధికార పార్టీ ఆ దేశ పార్లమెంటులో ప్రవేశపెట్టింది. బిల్లు సమయంలో చర్చ జరుగుతోంది. దాన్ని ప్రతిపక్ష సభ్యులు అడ్డుకునే ప్రయత్నం చేశారు. ఇదే సమయంలో సెంటర్ లైఫ్ట్ ఫైర్ స్టార్ మూవ్మెంట్ ఉద్యమానికి సంబంధించిన ఓ ఎంపీ, జాతీయ జెండాను పార్లమెంటులో ప్రదర్శించే ప్రయత్నం చేశారు.
ఈ క్రమంలో అధికార-విపక్షాల మద్య ముష్టిఘాతాలు, తోపులాట, స్వలంగా కొట్టుకునే పరిస్థితికి చేరుకుంది. దాదాపు ఐదు పది నిమిషాల సేపు ఈ తతంగం జరిగింది. చివరకు సభ్యులు శాంతించారు. ఈ బిల్లు కారణంగా ఇటలీలో ఉత్తర- దక్షిణ ప్రాంతాలు విభజన మరింత తీవ్రమవుతుందనేది విపక్షాల వాదన. దక్షిణాది ప్రాంతం మరింత ఇబ్బందిపడడమేకాదు, పేదరికం మరింత తీవ్రమవుతుందని అంటున్నారు. ఈ కారణంగానే బిల్లును వ్యతిరేకిస్తున్నట్లు చెప్పుకొచ్చారు.
ALSO READ: అమెరికా భయం నిజమైంది, గ్రహాంతరవాసులు మన మధ్యే..
ఎట్టకేలకు పార్లమెంట్‌లో ప్రస్తుతానికైతే పరిస్థితి సద్దుమణిగింది. ఎంపీలు హందాతనాన్ని మరిచి పరస్పరం దాడులకు దిగడం మంచిది కాదని అంటున్నారు. ఇలా చేయడం దేశం పరువు పోతుందనే విమర్శలు వెల్లువెత్తాయి. పార్లమెంట్ లోపల జరిగిన ఘటనపై ఆదేశ విదేశాంగ మంత్రి విచారం వ్యక్తం చేశారు. ఇటలీ పార్లమెంటులో చోటు చేసుకున్న ఈ ఘటనకు సంబంధించి వీడియో వైరల్ అయ్యింది. ఒకప్పుడు ఆసియాలో ఆ తరహా దృశ్యాలు చూశామని, ఇప్పుడు యూరప్‌ వంతైందని అంటున్నారు.
Siamo arrivati alle violenze dai banchi della maggioranza Meloni. Hanno aggredito il nostro Leonardo Donno perché ha portato il tricolore al Ministro Calderoli, perché diciamo no alla secessione dell'Italia firmata Meloni, Salvini e Tajani. È uscito in barella dalla Camera dei… pic.twitter.com/4OkYB9gP8D
— Giuseppe Conte (@GiuseppeConteIT) June 12, 2024