%%sep%% అందరి అంచనాలను మించేలా 'విడాముయర్చి' మూవీ నుంచి ఫస్ట్ లుక్ ను మేకర్స్ విడుదల చేశారు. దీంతో ఈ సినిమాపై భారీ అంచనాలు మొదలయ్యాయి.){kind=link}
Vidaamuyarchi first look poster(Film news in telugu today): అగ్ర కథానాయకుడు అజిత్ కుమార్, లైకా ప్రొడక్షన్స్ కలయికలో రూపొందుతున్న భారీ మూవీ ‘విడాముయర్చి’. ఈ క్రేజీ సినిమాకు మగిళ్ తిరుమేని దర్శకత్వం వహిస్తున్నారు. దీంతో ఈ సినిమాపై భారీ అంచనాలు మొదలయ్యాయి. అసలు ఈ మూవీలో అజిత్ లుక్ ఎలా ఉంటుంది..? సినిమా ఎలా ఆకట్టుకోనుందంటూ ప్రేక్షకులు ఆసక్తిగా ఎదురు చూడసాగారు. ఆ సమయం వచ్చేసింది.. అందరి అంచనాలను మించేలా ‘విడాముయర్చి’ మూవీ నుంచి ఫస్ట్ లుక్ ను మేకర్స్ విడుదల చేశారు.
అయితే, ‘విడాముయర్చి’ మూవీ ప్రారంభం నుంచి కోలివుడ్ సహా అందరి దృష్టిని ఆకర్శిస్తోంది. టాప్ స్టార్స్, టెక్నీషియన్స్ ఈ సినిమాలో భాగమయ్యారు. ఇండియన్ సినీ ఇండస్ట్రీలో స్టార్స్ తో భారీ బడ్జెట్ చిత్రాలు, డిఫరెంట్ కంటెంట్ బేస్డ్ సినిమాలను నిర్మిస్తున్న టాప్ ప్రొడక్షన్ హౌస్ లైకా ప్రొడక్షన్స్. ఈ సంస్థ అధినేత సుభాస్కరన్.. ‘విడాముయర్చి’ మూవీని నిర్మిస్తున్నారు. ఈ సినిమాను డైరెక్ట్ చేస్తున్నమగిళ్ కు ఆకట్టుకునే ఎంటర్ టైన్మెంట్ చిత్రాలతోపాటు విలక్షణమైన చిత్రాలు తీస్తాడు అనే పేరు ఉంది.
అజిత్ కెరీర్ లో వన్ ఆప్ ది బ్లాక్ బస్టర్ సినిమా ‘మంగాత’లో అజిత్ కుమార్, త్రిష, యాక్షన్ కింగ్ అర్జున్ త్రయం తమదైన నటనతో ప్రేక్షకులను ఎంతగానో అలరించారు. ఇప్పుడు మరోసారి వీరు ముగ్గురు ప్రేక్షకులను అలరించబోతున్నారు. ఇంకా ఈ సినిమాలో ఆరవ్, నిఖిల్, రెజీనా కసాండ్రతో పాటు తదితరులు ప్రధాన పాత్రల్లో నటిస్తున్నారు.
ఈ సందర్భంగా లైకా ప్రొడక్షన్స్ హెడ్ తమిళ్ కుమరన్ మాట్లాడుతూ.. ‘మా బ్యానర్ లో ఎంతో ప్రతిష్టాత్మకంగా ‘విడాముయర్చి’ సినిమాను రూపొందిస్తున్నాం. ఈ సినిమా ఫస్ట్ లుక్ ను ఇప్పుడు విడుదల చేయడం మా అందరికీ ఎంతో సంతోషంగా ఉంది. అజిత్ తో సినిమా చేస్తున్నామని ప్రకటించినప్పటి నుంచి అభిమానులు, సినీ ప్రేక్షకులు వారి సపోర్ట్ ను మాకు అందిస్తున్నారు. వారికి చక్కటి సినిమాను అందించటమే మా లక్ష్యం. ఈ సినిమా కోసం మా టీమ్ ఎంతగానో కష్టపడుతుంది. ప్రస్తుతం సినిమా షూటింగ్ వేగంగా ముందుకుసాగుతోంది. ఆగస్టు నెలలో ఈ సినిమా షూటింగ్ ను పూర్తి చేస్తాం. ఆ తరువాత సినిమాను ఎప్పుడు రిలీజ్ చేస్తామనే విషయాన్ని అధికారికంగా తెలియజేస్తాం’ అంటూ కుమరన్ పేర్కొన్నారు.
Also Read: పుంజుకున్న కలెక్షన్స్.. బాక్సాఫీసు వద్ద ‘కల్కి’ వీర బాదుడు.. మూడు రోజుల్లో ఎంతంటే?
ఓం ప్రకాశ్ ఈ సినిమాకు సినిమాటోగ్రాఫర్ గా పనిచేస్తున్నారు. ఎన్బీ శ్రీకాంత్ ఎడిటర్ గా, మిలాన్ ఆర్ట్ డైరెక్టర్ గా వర్క్ చేస్తున్నారు. అను వర్ధన్ కాస్ట్యూమ్ డిజైనర్ గా పనిచేస్తున్నారు. ఈ సినిమా శాటిలైట్ హక్కులను సన్ టీవీ సొంతం చేసుకోగా, ఓటీటీ హక్కులను నెట్ ఫ్లిక్స్ దక్కించుకున్న విషయం తెలిసిందే.
Presenting the much-awaited first look of #VidaaMuyarchi 🤩 Brace yourselves for a gripping tale where perseverance meets grit. 🔥🎬#AjithKumar #MagizhThirumeni @LycaProductions #Subaskaran @gkmtamilkumaran @trishtrashers @akarjunofficial @anirudhofficial @Aravoffl… pic.twitter.com/ABtDSoM46S
— Lyca Productions (@LycaProductions) June 30, 2024