VenkyAnil3: విక్టరీ వెంకటేష్ జోరు పెంచేశాడు. ఈ ఏడాది సైంధవ్ సినిమాతో ప్రేక్షకుల ముందుకు వచ్చిన వెంకీ మామ.. ప్రేక్షకులను నిరాశపరిచాడు. కానీ, ఈసారి మాత్రం గట్టి హిట్ కొట్టాలని ప్రయత్నాలు మొదలుపెట్టాడు. ఈ నేపథ్యంలోనే తనతో హిట్ కొట్టిన అనిల్ రావిపూడితో మూడోసారి జత కట్టాడు. వీరి కాంబోలో ఎఫ్ 2, ఎఫ్ 3 సినిమాలు వచ్చిన విషయం తెల్సిందే.
ఇక ఇప్పుడు ముచ్చటగా మూడో సినిమా రానుంది. ఉగాది పండుగవేళ మేకర్స్ ఈ కాంబోను అధికారికంగా ప్రకటించారు. ట్రయాంగిల్ క్రైమ్ థ్రిల్లర్ గా ఈ సినిమా తెరకెక్కనుందని తెలుస్తోంది. ఈ సినిమాను దిల్ రాజు నిర్మిస్తున్నాడు. ఇక ఇప్పటికే అనౌన్స్ మెంట్ వీడియోలో.. ఎక్స్ కాప్ .. ఎక్స్ గర్ల్ ఫ్రెండ్.. ఎక్సలెంట్ వైఫ్ అని చెప్పి హైప్ తెచ్చిన మేకర్స్.. తాజాగా ఈ సినిమా పూజా కార్యక్రమానికి ముహూర్తం ఫిక్స్ చేశారు. జూలై 3 న ఈ సినిమా పూజా కార్యక్రమాలతో మొదలుకానుంది మేకర్స్ అధికారికంగా తెలుపుతూ ఒక పోస్టర్ ను కూడా రిలీజ్ చేశారు.
ఇక ఈ పోస్టర్ లో.. ఒక గన్, దాని మీద తాళి, దానిపక్కనే రోజా పువ్వును చూపించారు. అంతేకాకుండా ఎక్సలెంట్ వైఫ్/ఎక్స్ కాప్/ ఎక్స్ గర్ల్ ఫ్రెండ్ అని రాసుకొచ్చారు. దీంతో ఈ సినిమాపై అంచనాలు ఆకాశాన్ని తాకుతున్నాయి. ఇప్పటివరకు కామెడీ సినిమాలతో హిట్స్ అందుకున్న అనిల్.. తన పంథా మర్చి బాలయ్యతో భగవంత్ కేసరి తెరకెక్కించాడు. అది బాలయ్య మాస్ యాక్షన్ తో కొట్టుకుపోయింది.
ఇక ఇప్పుడు వెంకీ మామ రివెంజ్ థ్రిల్లర్ అంటే ఏ లెవెల్లో ఉంటుందో అర్ధం చేసుకోవాల్సిందే. ఈ పోస్టర్ చూసిన అభిమానులు ఇన్ని ఎక్స్ లు ఏంటి.. వెంకీ మామ అంటూ సరదాగా కామెంట్స్ చేస్తున్నారు. మరి ఈ ఎక్స్ ల గురించి తెలియాలంటే కొన్నిరోజులు ఆగాల్సిందే.
Kicking off another EXciting journey with my Hero, Victory @Venkymama Garu & @Svc_official 🤗#VenkyAnil3 x #SVC58 Muhurtham on July 3rd ❤️#DilRaju #Shirish #BheemsCeciroleo @YoursSKrishna pic.twitter.com/k4rmqA8xfg
— Anil Ravipudi (@AnilRavipudi) July 1, 2024