SS Rajamouli: దర్శక ధీరుడు రాజమౌళి గురించి ప్రత్యేకంగా చెప్పాల్సిన పనిలేదు. తెలుగు సినిమాను పాన్ ఇండియా లెవెల్ కు తీసుకెళ్లిన ఘనత ఆయనకే దక్కుతుంది. ఇప్పటివరకు అపజయం ఎరుగని దర్శకుడిగా గుర్తింపు తెచ్చుకున్న జక్కన్న ఆర్ఆర్ఆర్ లాంటి హిట్ సినిమా తరువాత SSMB29 తో బిజీగా మారాడు. మహేష్ బాబు హీరోగా తెరకెక్కనున్న ఈ సినిమా ప్రస్తుతం ప్రీ ప్రొడక్షన్ వర్క్స్ ను పూర్తిచేసుకుంటుంది. ఇక రాజమౌళి కుటుంబంలో ఉన్నవారందరూ కూడా కలిసే ఉంటారు అన్న విషయం తెల్సిందే. ఎక్కడకు వెళ్లినా కూడా అంతా కలిసే వెళ్తారు. అన్నదమ్ములు అంతా కలిసే ఉంటారు.
తాజాగా వీరి ఇంట ఒక చిన్న ఫంక్షన్ జరిగింది. ఈ వేడుకలో రాజమౌళి.. తన భార్య రమా రాజమౌళతో కలిసి డ్యాన్స్ వేశాడు. సంబంధించిన వీడియో నెట్టింట వైరల్ గా మారింది. ప్రేమికుడు సినిమాలోని అందమైన ప్రేమరాణి చేయి తగిలితే సాంగ్ కు జక్కన్న డ్యాన్స్ వేశాడు. ఇక అలవోకగా స్టెప్స్ వేస్తూ.. భార్యతో కలిసి రొమాన్స్ చేశాడు. ఇక ఈ వీడియో చూసిన నెటిజన్స్.. రాజమౌళి.. నువ్వే హీరోగా ట్రై చెయ్ అంటూ కొందరు.. అద్భుతమైన జంట అని ఇంకొందరు కామెంట్స్ పెడుతున్నారు.
ఇక రాజమౌళి, రమాది ప్రేమ వివాహం. రాజమౌళి శాంతి నివాసం సీరియల్ కు అసిస్టెంట్ గా చేశాడు. ఆ సమయంలోనే రమా పరిచయం అయ్యింది. అప్పటికే రమాకు పెళ్లి అయ్యి.. ఒక బాబు కూడా ఉన్నాడు. అతడే కార్తికేయ. ఇక వీరి పరిచయం ప్రేమగా మారి.. పెళ్లికి దారి తీసింది. ఇక వీరిద్దరికి ఒక కూతురు కూడా ఉంది. రాజమౌళి ప్రతి సినిమాకు రమానే కాస్ట్యూమ్ డిజైనర్ గా పనిచేస్తుంది. మరి ఈ జంట.. ఆర్ఆర్ఆర్ కు ఆస్కార్ వచ్చేలా చేశారు అంటే SSMB29 తో ఎలాంటి రికార్డులు క్రియేట్ చేస్తారో చూడాలి.
Director @SSRajamouli and his wife groove to the beats of Beautiful melody, setting the party on fire at a family function 🤩#SsRajamouli #SSMB29 #Party pic.twitter.com/sjMAlo92Lw
— IndiaGlitz Telugu™ (@igtelugu) March 31, 2024