Pushpa Pushpa Hits a Gigantic 100 Million Views: పుష్ప సినిమా భారీ విజయం సాధించిన విషయం తెలిసిందే. అయితే అందులో పలు డైలాగ్ లు ఇప్పటికే సినీ ప్రేక్షకులు వాడుతూ ఉంటుంటారు. ఇక్కడెవరు అనుకుంటున్నావ్.. పుష్ప.. పుష్పరాజ్ అంటూ డైలాగులను దంచికొడుతుంటారు. అంతెందుకు క్రికెట్ తోపాటు పలు రంగాలకు చెందిన ప్రముఖులు కూడా పుష్ప సినిమాలోని డైలాగులు వాడుతూ, స్టెప్స్ వేస్తూ, పాటలు పాడుతూ తెగ ఆనందపడ్డారు.
అయితే, పుష్ప2 టీజర్ కూడా భారీ స్థాయిలో సెన్సేషన్ క్రియేట్ చేసి అభిమానుల నుంచి మంచి స్పందన అందుకుంది. ఇటీవలే ఈ సినిమా నుంచి ‘పుష్ప పుష్ప’ అని సాగే ఫుల్ టైటిల్ లిరికల్ సాంగ్ విడుదలయ్యింది. ఇది విడుదలైన తరువాత అభిమానుల్లో భారీ అంచనాలు పెరిగాయి. ఈ క్రమంలో తాజాగా కూడా మరో మైలురాయిని అధిగమించింది ‘పుష్ప పుష్ప’. యూట్యూబ్ లో 2.26 మిలియన్స్ + లైక్ లతో ఆరు భాషల్లో 100 మిలియన్లకు పైగా వీక్షణలను సాధించింది. మేకర్స్ ఈ విజయాన్ని సోషల్ మీడియా వేదిక ద్వారా అద్భుతమైన పోస్టర్ తో తమ ఆనందాన్ని పంచుకున్నారు.
పుష్ప 2 ఆగస్టు 15, 2024న ప్రపంచ వ్యాప్తంగా థియేటర్లలో విడుదల కానున్నది. మైత్రి మూవీ మేకర్స్ నిర్మాణంలో సుకుమార్ దర్శకత్వంలో ఈ సినిమాను నిర్మిస్తున్నారు. ఇందులో అల్లు అర్జున్, రష్మిక, ఫహద్ ఫాసిల్ ప్రధాన పాత్రల్లో నటిస్తున్నారు. అయితే, ఈ కొత్త టీజర్ చూసిన తరువాత ప్రేక్షకుల్లో సినిమాపై మరింతగా అంచనాలు పెరిగాయి.
Also Read: Actor Srikanth: హీరోయిన్ ఊహా రీఎంట్రీ.. శ్రీకాంత్ ఏమన్నాడంటే.. ?
పుష్ప 2 లోని రెండో పాట బుధవారం విడుదల కానున్నదని తెలియజేస్తూ రష్మిక సోషల్ మీడియాలో ఓ పోస్టర్ ను పోస్ట్ చేసింది. అల్లు అర్జున్ తో కలిసి రష్మిక డ్యాన్స్ చేస్తూ ఆ పోస్టర్ లో హుషారుగా కనిపించిన విషయం తెలిసిందే.
#PushpaPushpa – people certified 𝐖𝐎𝐑𝐋𝐃𝐖𝐈𝐃𝐄 𝐂𝐇𝐀𝐑𝐓𝐁𝐔𝐒𝐓𝐄𝐑 ❤️🔥#Pushpa2FirstSingle hits a gigantic 𝟭𝟬𝟬 𝙈𝙄𝙇𝙇𝙄𝙊𝙉+ 𝙑𝙄𝙀𝙒𝙎 across 6 Languages on YouTube with 𝟮.𝟮𝟲 𝙈𝙄𝙇𝙇𝙄𝙊𝙉+ 𝙇𝙄𝙆𝙀𝙎 🔥🔥
🎶 https://t.co/JkSnelxmgm #Pushpa2SecondSingle will… pic.twitter.com/VyiknxkB5M
— Pushpa (@PushpaMovie) May 28, 2024