NBK 108 Movie Update : నంందమూరి బాలకృష్ణ సినిమాలు చేయటంలో అస్సలు స్పీడు తగ్గించటం లేదు. ఓ వైపు వీర సింహా రెడ్డి విడుదలకు సన్నద్ధమవుతుండగానే తన NBK 108 సినిమా షూటింగ్ను షురూ చేసిన సంగతి తెలిసిందే. డిసెంబర్ మొదటి వారంలోనే అనీల్ రావిపూడి దర్శకత్వంలో బాలయ్య కొత్త సినిమాను స్టార్ట్ చేశారు. అది కూడా యాక్షన్ పార్ట్తో. బాలయ్య స్పీడుకి అనీల్ రావిపూడి ప్లానింగ్ తోడు కావటంతో ఈ ఏడాది చివరి రోజున అంటే డిసెంబర్ 31న NBK 108 ఫస్ట్ షెడ్యూల్ పూర్తయ్యింది. వచ్చే ఏడాదిలో కొత్త షెడ్యూల్ను ప్రారంభించబోతున్నారు. ఈ విషయాన్ని అనీల్ రావిపూడి తన సోషల్ మీడియా ద్వారా తెలియజేశారు.
NBK 108 ఫస్ట్ షెడ్యూల్ పూర్తి కాగానే బాలకృష్ణ, అనీల్ రావిపూడి అండ్ టీమ్ కలిసి కేక్ కట్ చేసి సెలబ్రేట్ చేసుకున్నారు. దానికి సంబంధించిన వీడియో, ఫొటోలు నెట్టింట వైరల్ అవుతున్నాయి. ఈ చిత్రంలో ప్రియాంక జవాల్కర్ హీరోయిన్గా నటిస్తుందనే వార్తలు వినిపిస్తున్నాయి. అలాగే శ్రీలీల బాలయ్య కుమార్తె పాత్రలో నటించనుంది. అలాగే బాలీవుడ్ స్టార్ అర్జున్ రాంపాల్ విలన్గా కనిపిస్తారనే టాక్ బలంగా వినిపిస్తోంది.
ప్రస్తుతం బాలకృష్ణ తన 107వ సినిమా వీర సింహా రెడ్డి చిత్రాన్ని సంక్రాంతి సందర్భంగా జనవరి 12న విడుదలవుతుంది. అఖండ తర్వాత బాలకృష్ణ చేస్తున్న సినిమా కావటంతో సినిమాపై భారీ అంచనాలు ఏర్పడ్డాయి. గోపీచంద్ మలినేని దర్శకత్వం వహిస్తున్నారు.