Nayanathara: ఇండస్ట్రీలో నటించే హీరో హీరోయిన్లు.. అన్నిసార్లు తమకు నచ్చినట్లు చేయలేరు. కొన్నిపాత్రలు ఎంతో ఇష్టపడి చేస్తారు. కొన్ని పాత్రలు చేయాల్సి వస్తుంది. కథ చెప్పినప్పుడు ఒకలా ఉండే వారి క్యారెక్టర్.. సినిమాలో వేరేలా మారిపోతుంది. ఒకసారి ఓకే చెప్పాకా.. కచ్చితంగా సినిమా చేసి తీరాల్సిందే. ఆ తరువాత ఈ సినిమ ఒప్పుకోవడం చెత్త నిర్ణయాల్లో ఒకటి అని చెప్పుకొస్తారు.
ప్రస్తుతం నయన్ కూడా అలానే ఒక సినిమా ఒప్పుకోవడం తన జీవితంలో తీసుకున్న అతి పెద్ద చెత్త నిర్ణయమని తెలిపింది. ఆ సినిమా ఏదో కాదు.. గజినీ. సూర్య, ఆసిన్ జంటగా నటించిన ఈ చిత్రంలో నయన్ సెకండ్ హీరోయిన్ గా నటించింది. మురగదాస్ దర్శకత్వంలో తెరకెక్కిన ఈ సినిమా 2005 లో రిలీజ్ అయ్యి భారీ విజయాన్ని అందుకుంది.
ఇప్పటికీ ఈ సినిమాకు సంబంధించిన సాంగ్స్ కానీ, సీన్స్ కానీ ఎక్కడో ఒకచోట ప్లే అవుతూనే ఉన్నాయి. అయితే ఈ సినిమా ద్వారా ఆసిన్ కు మంచి పేరు వచ్చింది కానీ, నయన్ కు అంతగా గుర్తింపు రాలేదు. అయితే మొదట తన పాత్ర చెప్పిన విధానం వేరు అని, అందులో చూపించింది వేరు అని నయన్ వాపోయింది. తాజాగా ఒక ఇంటర్వ్యూలో ఆమె ఈ విషయం గురించి మాట్లాడింది.
” గజినీ కథ చెప్పినప్పుడు నా పాత్రను వేరే విధంగా వివరించారు. తెరకెక్కించేటప్పుడు వేరేలా చూపించారు. నా ఫోటోలను భిన్నంగా చూపించారు. అందుకే నా జీవితంలో ఈ సినిమాను ఓకే చేయడం నేను తీసుకున్న అతిపెద్ద చెత్త నిర్ణయం” అని చెప్పుకొచ్చింది. ప్రస్తుతం ఈ వ్యాఖ్యలు నెట్టింట వైరల్ గా మారాయి. ఇకపోతే ఈ ప్రస్తుతం నయన్ తమిళ్ లో స్టార్ హీరోయిన్ గా కొనసాగుతుంది.