Nandamuri Mokshagna: ప్రస్తుతం ఇండస్ట్రీ కొత్త జనరేషన్ కోసం ఎదురుచూస్తోంది. ఇప్పటికే సీనియర్ హీరోల కుమారులు ప్రస్తుతం ఇండస్ట్రీని ఏలుతూ వస్తున్నారు. ఇంకా కొంతమంది నటవారసులు ఇండస్ట్రీలో అడుగు కూడా పెట్టలేదు. వారికోసం అభిమానులు వేయికళ్లతో ఎదురుచూస్తున్నారు. అందులో నందమూరి బాలకృష్ణ తనయుడు మోక్షజ్ఞ తేజ ఒకడు.
నందమూరి కుటుంబం నుంచి జనరేషన్ కు తగ్గట్టు చాలామంది హీరోలు వచ్చారు. కొంతమంది సక్సెస్ అయ్యారు. ఇంకొంతమంది ఫెయిల్ అయ్యారు. ఇక ఈ కొత్త జనరేషన్ లో మోక్షజ్ఞ ఎంట్రీ కోసం అభిమానులు ఎన్నో ఏళ్లుగా ఎదురుచూస్తున్నారు.
బాలయ్యకు కొడుకును హీరోగా చేయడం ఇష్టమే కానీ, మోక్షజ్ఞకే ఇష్టం లేదని, అందుకే అతనిని ఒప్పించడానికి టైమ్ పడుతుందని అప్పట్లో వార్తలు వచ్చాయి. ఆ తరువాత మోక్షు లుక్ ఛేంజ్ చేసుకుంటున్నాడు.. అందుకే టైమ్ పడుతుందని చెప్పుకొచ్చారు. ఇక ఎట్టకేలకు బొద్దుగా ఉన్నా మోక్షు.. ఇప్పుడు పర్ఫెక్ట్ హీరో లుక్ కు వచ్చాడు.
తాజాగా మోక్షజ్ఞను చూస్తే.. హీరో మెటీరియల్ లానే కనిపిస్తున్నాడు. దీంతో వారసుడు తెరంగేట్రం షురూ అయ్యినట్లు కనిపిస్తుంది. బాలయ్య అప్పుడు.. ఇప్పుడు ఒకటే మాట చెప్పుకుంటూ వస్తున్నాడు. మోక్షజ్ఞ ఎంట్రీ చాలా గ్రాండ్ గా ఉండబోతుందని చెప్పుకొచ్చాడు. అయితే డైరెక్టర్ ఎవరు.. ? బ్యానర్ ఏంటి.. ? అనేది తెలియలేదు.
అసలు ఈ ఏడాది అయినా మోక్షు ఎంట్రీ ఉంటుందా.. ? లేదా అనే అనుమానాలు తలెత్తుతున్నాయి. తాజాగా మోక్షజ్ఞ లుక్ సోషల్ మీడియాను షేక్ చేస్తోంది. పూర్తిగా లో మార్చేశాడు.. ఇదే పర్ఫెక్ట్ ఎంట్రీ టైమ్.. ఇప్పుడు కనుక మోక్షజ్ఞ ఎంట్రీ ఉంటే హైలైట్ ఉంటుందని అభిమానులు చెప్పుకొస్తున్నారు. మరి ఈ ఏడాది అయినా బాలయ్య.. కొడుకు ఎంట్రీని సెట్ చేస్తాడో లేదో చూడాలి.