Naa Saamiranga Movie : టాలీవుడ్ స్టార్ హీరో నవ మన్మధుడు కింగ్ నాగార్జున.. కాస్త గ్యాప్ తీసుకొని నా సామిరంగా అంటూ ఓ రేంజ్ లో సంక్రాంతికి రెడీ అవుతున్నాడు. మన దగ్గర ఉన్న గత కొన్ని నెలలుగా నాగార్జున సినిమాలు థియేటర్లలో సందడి చేయలేదు.. అయితే ఈసారి సంక్రాంతికి మాత్రం సాలిడ్ గా బరిలోకి దిగుతున్నాడు. బాక్సాఫీస్ వద్ద ఇప్పటికే సంక్రాంతి సంబరాలు చేయడానికి నాలుగైదు సినిమాలు రెడీగా ఉన్నాయి. అన్నిటికంటే ముందు గుంటూరు కారం మంచి మాస్ కంటెంట్తో సంక్రాంతి బరిలో సిద్ధంగా ఉంది.
మరి ఇన్ని సినిమాలను దాటుకొని నాగార్జున సినిమా ఏ రేంజ్ పెర్ఫార్మెన్స్ ఇస్తుందో చూడాలి. ఇక ఆ విషయం పక్కన పెడితే ఈ మూవీలో నాగార్జున సరసన కన్నడ భామ ఆషికా రంగనాథ్ జోడీగా నటిస్తోంది. ఈ సినిమాకు డాన్స్ మాస్టర్ విజయ్ బిన్నీ.. దర్శకుడు అవతారం ఎత్తాడు. ఇప్పటికే మూవీ నుంచి విడుదల అయిన గ్లింప్స్, పోస్టర్స్ చిత్రంపై ఆసక్తి పెంచే విధంగా ఉన్నాయి.
ఈ మూవీకి సంబంధించిన ప్రమోషన్స్ ని కూడా మేకర్స్ తాజాగా మొదలుపెట్టారు. ఈ సందర్భంగా ఎత్తుకెళ్లిపోవాలనిపిస్తుందే.. అంటూ సాకే లిరికల్ సాంగ్ను ఈరోజు విడుదల చేశారు. ఈ పాటకు చంద్రబోస్ లిరిక్స్ అందించగా.. బాణీలను కీరవాణి సమకూర్చాడు. సింగర్ రామ్ మిరియాల గాత్రం ఈ పాటకు ప్రాణం పోసింది. తెలుగు సినిమాలలో..రొమాన్స్ కి పెట్టింది పేరు నాగార్జున.. మరి అలాంటిది ఈ పాటకి నాగార్జున ఆషికాతో కలిసి వేసే స్టెప్స్ ను మేకర్స్ అద్భుతంగా చూపించారు.
ఇక ఇందులో నాగార్జున ఆషిక మధ్య కెమిస్ట్రీ అందరినీ ఆకట్టుకునే విధంగా ఉండడంతో పాటు మెస్మరైజ్ చేస్తోంది. ఇందులో విజువల్స్ కూడా ఎంతో గ్రాండ్ గా ఉన్నాయి. ప్రస్తుతం ఈ సాంగ్ బాగా ట్రెండింగ్ అయింది. . సిల్వర్ స్క్రీన్స్ ప్రతాకం పై శ్రీనివాస్ చిట్టూరి నిర్మిస్తున్న ఈ చిత్రం సంక్రాంతికి జనవరి 11 లేక 14 తారీకు విడుదల చేయాలని మేకర్స్ భావిస్తున్నట్లు టాక్.