Bhaje Vaayu Vegam Trailer Released: ఒక్క మూవీ చాలు ఓవర్ నైట్‌లో స్టార్‌గా మారిపోవడానికి. అలాంటి ఛాన్స్ కోసం ఎంతో మంది నటీ నటులు సహా దర్శకులు ఎదురుచూస్తుంటారు. ఒక్క సినిమాతో అయినా బ్లాక్ బస్టర్ హిట్ కొట్టి అందరిచేత ప్రశంసలు పొందాలని అనుకుంటారు. అయితే అలానే హిట్లు కొట్టి ఉన్నత స్థాయిలో ఉన్నవారెందరో ఉన్నారు. అలాగే ఎన్ని సినిమాలు చేసినా హిట్లు లేక సతమతమవుతున్నవారు ఉన్నారు. అందులో హీరో కార్తికేయ ఒకడు.
ఈ టాలీవుడ్ యంగ్ హీరో మంచి స్టార్డమ్ కోసం ఎదురుచూస్తున్నాడు. ‘ఆర్ ఎక్స్ 100’ మూవీ తర్వాత తన కెరీర్‌లో మరొక బ్లాక్ బస్టర్ హిట్టు పడలేదు. ఇందులో భాగంగానే వరుస పెట్టి సినిమాలు చేశాడు. అయినా పెద్దగా ఫలితం లేకుండా పోయింది. గతేడాది కూడా ‘బెదురులంక 2012’ మూవీతో ప్రేక్షకుల ముందుకు వచ్చాడు. ఆ మూవీ కూడా కార్తీక్‌కు గట్టి దెబ్బెసింది. అయితే ఈ సారి ఎలాగైనా హిట్‌కొట్టాలని ఫిక్స్ అయ్యాడు. ఇందులో భాగంగానే ‘భజే వాయు వేగం’ అనే మూవీ చేస్తున్నాడు.
ప్రశాంత్ రెడ్డి దర్శకత్వంలో తెరకెక్కుతోన్న ఈ మూవీలో అందాల తార ఐశ్వర్య మీనన్ హీరోయిన్‌గా నటిస్తోంది. యూవీ కాన్సెప్ట్స్ బ్యానర్‌పై ఈ సినిమా రూపొందుతోంది. ఇక అన్ని పనులు పూర్తి చేసుకుని ఈ సినిమా మే 31న గ్రాండ్‌గా థియేటర్లలో రిలీజ్ కానుంది. ఈ క్రమంలో మూవీ యూనిట్ సినీ ప్రియులకు సర్ప్రైజ్ అందించింది.
Also Read: కార్తికేయ ‘భజే వాయు వేగం’ టీజర్ రిలీజ్.. నాన్న కోసం ఎంత దూరమైనా వెళ్తా..!
ఇప్పటికే ఈ మూవీ నుంచి విడుదలైన పోస్టర్లు, సాంగ్స్, టీజర్‌లు సినిమాపై మంచి అంచనాలు క్రియేట్ చేశాయి. అయితే ఇప్పుడు ఆ అంచనాలను మరింత పెంచేందుకు ట్రైలర్‌ను రిలీజ్ చేశారు. ఈ ట్రైలర్ ప్రకారం.. ఈ మూవీ మొత్తం ఫుల్ ప్యాక్డ్‌గా యాక్షన్ సన్నివేశాలతో అదిరిపోయింది. నోట్ల కట్టలతో కట్ చేసిన సీన్లు ఆడియన్స్‌ను ఆకట్టుకుంటున్నాయి. ఈ ట్రైలర్ బట్టి చూస్తే మూవీ బ్లాక్ బస్టర్ హిట్ కొట్టేయడం ఖాయమని సినీ ప్రియులు చర్చించుకుంటున్నారు. మరెందుకు ఆలస్యం మీరు కూడా ఈ ట్రైలర్ చూసి ఎంజాయ్ చేయండి.