Nirupam Paritala: నిరుపమ్ పరిటాల.. అని చెప్పగానే ఎవరు ఆయన.. కొత్త హీరోనా అనేస్తారు. అదే కార్తీక దీపండాక్టర్ బాబు అని చెప్పండి. హే.. ఏం మాట్లాడుతున్నావ్.. మా డాక్టర్ బాబు మాకు తెలియదా అనేస్తారు. అంతలా ఒరిజినల్ నేమ్ ను కూడా మర్చిపోయి.. సీరియల్స్ పేరుతోనే గుర్తింపు తెచ్చుకున్నాడు నిరుపమ్. చంద్రముఖి సీరియల్ తో టెలివిజన్ తెరకు పరిచయమైన నిరుపమ్ ఆ తరువాత వరుస సీరియల్స్ తో మెప్పించాడు.
ఇక నిరుపమ్.. అలనాటి సీరియల్ నటుడు ఓంకార్ కుమారుడు అన్న విషయం చాలా తక్కువమందికి తెలుసు. తండ్రి పేరును వాడకుండా.. తనకంటూ ఒక సొంత గుర్తింపుతో ఎదిగాడు నిరుపమ్. ఇక ఎన్నో సీరియల్స్ చేసినా రానీ గుర్తింపు.. కార్తీక దీపం సీరియల్ తో వచ్చింది. ఇందులో డాక్టర్ బాబు, వంటలక్క అంటే తెలియనివారుండరు. సోషల్ మీడియాలో షేక్ చేసిన సీన్స్ ఇప్పటికీ ఎక్కడో ఒక చోట కనిపిస్తూనే ఉన్తయి. అంతలా ఈ సీరియల్ టాప్ పొజిషన్ కు చేరుకుంది.
కార్తీక దీపం సీరియల్ అతని జీవితాన్ని మార్చేసింది. ప్రస్తుతం నిరుపమ్.. కార్తీక దీపం ఇది నవ వసంతం సీరియల్ లో నటిస్తున్నాడు. తన గుర్తింపుకు తగ్గట్టే రెమ్యూనరేషన్ కూడా ఆ రేంజ్ లోనే అందుకుంటున్నాడట. కార్తీక దీపం.. ఇది నవ వసంతం సీరియల్ కు నిరుపమ్ ఒక్కో ఎపిసోడ్ కు రూ. 40 వేలు తీసుకుంటున్నాడట. అంతకుముందు వరకు ఎపిసోడ్ కు రూ. 22 వేలు తీసుకొనే ఈ నటుడు రేంజ్ మారడంతో పారితోషికం కూడా డబుల్ చేసినట్లు సమాచారం.
ఇక కేవలం ఈ సీరియల్స్ మాత్రమే కాకుండా ఈ మధ్య సినిమాల్లో కూడా మంచి ఆఫర్స్ అందుకుంటున్నాడు. గతేడాది అమెజాన్ లో రిలీజ్ అయిన కుమారి శ్రీమతి వెబ్ సిరీస్ లో నిత్యామీనన్ సరసం నటించే ఛాన్స్ పట్టేశాడు. ఈ సిరీస్ మొదటి సీజన్ పూర్తి కాగా.. త్వరలోనే రెండో సీజన్ మొదలుకానుంది. మరి ఈ సిరీస్ తో నిరుపమ్ .. హీరోగా మారతాడేమో చూడాలి.