RC16: ఆర్ఆర్ఆర్ సినిమా తరువాత అందరి చూపు రామ్ చరణ్, ఎన్టీఆర్ మీదనే ఉంది. రాజమౌళితో సినిమా తరువాత ఏ హీరోకైనా ప్లాప్ తప్పదు అనేది సెంటిమెంట్ గా వస్తుంది. ఈసారి ఈ ఇద్దరు హీరోలు ఆ సెంటిమెంట్ ను బ్రేక్ చేస్తారా.. ? లేక ఆ సెంటిమెంట్ కే బలవుతారా..? అని అందరూ వేయికళ్లతో ఎదురుచూస్తున్నారు. ఆర్ఆర్ఆర్ తరువాత ఈ ఇద్దరు హీరోలు పాన్ ఇండియా ప్రాజెక్ట్స్ నే చేస్తున్నారు.
ఎన్టీఆర్ దేవర చేస్తుండగా.. చరణ్ గేమ్ ఛేంజర్ చేస్తున్నాడు. ఇక ఈ సినిమాతో పాటు చరణ్ లైన్లో RC16 కూడా ఉంది. ఉప్పెనతో భారీ హిట్ అందుకున్న బుచ్చిబాబు సానా ఈ సినిమాకు దర్శకత్వం వహిస్తున్నాడు. ఈ చిత్రంలో చరణ్ సరసన బాలీవుడ్ బ్యూటీ జాన్వీ కపూర్ నటిస్తోంది. ఈ మధ్యనే RC16 పూజా కార్యకమ్రాలు కూడా జరిగాయి.
ఇక RC16 మొదలవ్వక ముందు నుంచే ఈ చిత్రంలో సంజయ్ దత్ నటిస్తున్నాడు, బాబీ డియోల్ నటిస్తున్నాడు.. అంటూ వార్తలు గుప్పుమన్నాయి. ఇప్పటివరకు హీరో హీరోయిన్ తప్ప ఎవరిని మేకర్స్ ఫైనలైజ్ చేయలేదని టాక్. ఈ నేపథ్యంలోనే RC16 కు సంబంధించిన ఒక వార్త సోషల్ మీడియాను షేక్ చేస్తోంది. అదేంటంటే.. ఈ సినిమా కోసం బాలీవుడ్ మెగాస్టార్ రంగంలోకి దిగుతున్నాడు అంట.
అవును.. బిగ్ బీ అమితాబ్ బచ్చన్ ను RC16 లో తీసుకోవడానికి ప్రయత్నాలు సాగుతున్నాయని సమాచారం. స్పోర్ట్స్ బ్యాక్ డ్రాప్ లో తెరకెక్కుతున్న ఈ చిత్రంలో చరణ్ కు తాతగా నటించడానికి అమితాబ్ తో సంప్రదింపులు జరుపుతున్నారట. ఆయన కనుక ఓకే అంటే.. సినిమాపై అంచనాలు మరింత ఎక్కువ అవుతాయి అని చెప్పడంలో ఎటువంటి అతిశయోక్తి లేదు. ఇక ఈ సినిమాను వచ్చే ఏడాది సమ్మర్ లో రిలీజ్ చేయడానికి ప్లాన్ చేస్తున్నారు. మరి ఇందులో నిజమెంత అనేది తెలియాల్సి ఉంది.