Kumari Aunty: ఏదైతే జరగకూడదు అని ప్రేక్షకులు కోరుకున్నారో అది జరగనుందని తెలుస్తోంది. ఈ ఏడాది జరిగిన వింతలు- విశేషాల్లో ఒకటి కుమారి ఆంటీ. ఈ పేరు ఎంత సునామీని సృష్టించిందో ప్రత్యేకంగాచెప్పాల్సిన అవసరం లేదు.. ఏం నాన్న బావున్నారా.. ? అన్న పిలుపుతో హైదరాబాద్‌లోని రోడ్ సైడ్ మీల్స్ బిజినెస్ చేస్తూ ఒక్కసారిగా ఫేమస్ అయిపోయింది. ఆమె దగ్గర ఫుడ్ బావుందని యూట్యూబర్స్ ఒకరి తరువాత ఒకరు ఆమె ఫుడ్ స్టాల్ కు వెళ్లి.. కుమారి ఆంటీకి హైప్ ఇచ్చారు.
ఇంకేముంది ఫుడ్ బావుందని తెలిసిన మరుక్షణం.. ప్రజలు కుమారి ఆంటీ స్టాల్ ను చుట్టుముట్టేశారు. అలా జనాల రద్దీ పెరగడం, వాహనాల రాకపోకలను ఇబ్బంది కలగడంతో పోలీసులు రంగ ప్రవేశం చేసి కుమారీ ఆంటీ బిజినెస్ ను క్లోజ్ చేయించిన విషయం కూడా తెల్సిందే.
ఇక సీఎం రేవంత్ రెడ్డి స్వయంగా ఈ వివాదంలో కలుగజేసుకొని ఆమె ఫుడ్ బిజినెస్ ను మళ్లీ ఓపెన్ చేయించారు. ఈ ఇన్సిడెంట్ తరువాత కుమారి ఆంటీ ఇంటర్వ్యూలు, షోస్ లలో ఏంటి.. చివరకు సీరియల్స్, సాంగ్స్ లో కూడా కనిపించింది.
ఇక ఎప్పుడైతే కొద్దిగా పేరు తెచ్చుకుందో.. అప్పుడే ఈమె బిగ్ బాస్ హౌస్ లోకి అడుగుపెడుతుంది అని మాట్లాడుకున్నారు. ఇప్పుడు అనుకున్నదే అయ్యింది. అందుతున్న సమాచారం ప్రకారం బిగ్ బాస్ యాజమాన్యం.. కుమారి ఆంటీతో సంప్రదింపులు జరుపుతున్నట్లు తెలుస్తోంది. త్వరలోనే బిగ్ బాస్ సీజన్ 8 మొదలుకానుంది. ఈ సీజన్ లో కుమారి ఆంటీని కంటెస్టెంట్ గా తీసుకోవడానికి సన్నాహాలు జరుగుతున్నాయట.
ఇక రెమ్యూనిరేషన్ కూడా గట్టిగా ఇవ్వాలని ప్లాన్ చేశారట. అయితే దీనిపై ఆమె ఇంకా తుది నిర్ణయం చెప్పలేదని టాక్ నడుస్తోంది. ఒకవేళ మే హౌస్ కు వెళ్లినా ఫుడ్ వండడం తప్ప గేమ్స్ ఆడలేకపోవచ్చు అని కొందరు అంటున్నారు. మరి ఇందులో ఎంతవరకు నిజముందో తెలియాలి.