December Fight: ఇండస్ట్రీలో ఒకేరోజు స్టార్ హీరోల సినిమాలు రిలీజ్ కు రెడీ అవుతూ ఉంటాయి. ఎక్కువగా ఇలాంటి పోటీలు సంక్రాంతి సమయంలో జరుగుతూ ఉంటాయి. ఆ సమయంలో మూడు రోజులు స్టార్ హీరోల సినిమాలు థియేటర్ లో ఢీ అంటే ఢీ అని పోటీ పడుతుంటాయి. ఏ హీరో గెలుస్తాడు.. ? ఏ హీరో ఓడిపోతాడు.. ? అభిమానులందరూ ఎంతగానో ఎదురుచూస్తూ ఉంటారు. ఇదంతా కామన్ గా జరిగేదే.
అయితే ఇలాంటి ఒక ఫైట్.. సంక్రాంతికి ముందే రాబోతుందని సోషల్ మీడియా కోడై కూస్తోంది. అందులోనూ గ్లోబల్ స్టార్ వర్సెస్ ఐకాన్ స్టార్ అనగానే .. ప్రేక్షకులు మరింత ఆసక్తి చూపిస్తున్నారు. అసలు విషయం ఏంటి అనేది ఈపాటికి మీకు తెలిసిపోయి ఉంటుంది.
అల్లు అర్జున్, రామ్ చరణ్.. డిసెంబర్ లో పోటీకి దిగుతున్నారు అని కొన్నిరోజులుగా వార్తలు వినిపిస్తున్నాయి. అల్లు అర్జున్ ప్రస్తుతం పుష్ప 2 తో బిజీగా ఉన్నాడు. ఇటు పక్క రామ్ చరణ్ గేమ్ ఛేంజర్ తో బిజీగా ఉన్నాడు. రెండు సినిమాలపై అభిమానులు భారీ అంచనాలను పెట్టుకున్నారు. మొదటి నుంచి పుష్ప ఆగస్టు 15 న రిలీజ్ కానుందని మేకర్స్ చెప్పుకుంటూ వచ్చారు.
కానీ, కొన్ని కారణాల వలన ఈ సినిమా వాయిదా పడిందని వార్తలు వస్తున్నాయి. అదే రోజున రామ్ డబుల్ ఇస్మార్ట్ రిలీజ్ కానుంది. ఇక ఎప్పటినుంచో గేమ్ ఛేంజర్.. డిసెంబర్ లో రిలీజ్ చేయనున్నారని టాక్ నడుస్తోంది. ఇప్పుడు పుష్ప 2 వాయిదా పడడంతో.. అది కూడా డిసెంబర్ కు షిఫ్ట్ అయ్యింది. అది కాకుండా పుష్ప కూడా క్రిస్టమస్ కానుకగా డిసెంబర్ లోనే రిలీజ్ అయ్యింది. ఇప్పుడు ఆ సెంటిమెంట్ తోనే పుష్ప 2 కూడా క్రిస్టమస్ కే షిఫ్ట్ అయ్యిందని అంటున్నారు.
ఇక చరణ్ కూడా గేమ్ ఛేంజర్ ను క్రిస్టమస్ కానుకగా దింపాలని చూస్తున్నాడట. మరి ఈ ఇద్దరు స్టార్ హీరోల్లో డిసెంబర్ ఎవరి సొంతం అవుతుంది అనేది తెలియాల్సి ఉంది. ఇక వీరిద్దరి మధ్య ఇలాంటి డేట్ క్లాష్ ఇప్పుడే కాదు చాలాసార్లు వచ్చింది. మరి ఈసారి వచ్చేది ఎవరు.. ? గెలిచేది ఎవరు..? అనేది చూడాలి.