Sunaina: కోలీవుడ్ నటి సునైనా త్వరలో పెళ్లి పీటలు ఎక్కబోతుందా అంటే.. నిజమే అని అంటున్నాయి కోలీవుడ్ వర్గాలు. 2005లో తెలుగులో విడుదలైన కుమార్ Vs కుమారి అనే సినిమాతో ఎంట్రీ ఇచ్చింది. ఈ సినిమా ఆశించిన ఫలితాన్ని అందివ్వలేకపోయింది. దీని తరువాత పలు తెలుగు సినిమాల్లో నటించినా అమ్మడికి గుర్తింపు రాలేదు.
ఇక తమిళ్ లోనే ఆమె సినిమాలు చేస్తూవు మంచి గుర్తింపు అందుకుంది. 2021 లో శ్రీవిష్ణు నటించిన రాజరాజ చోర సినిమాలో హీరోయిన్ గా నటించి మంచి గుర్తింపును అందుకుంది. ప్రస్తుతం వరుస సినిమాలతో బిజీగా ఉన్న సునైనా.. గత కొంతకాలంగా దుబాయ్ యూట్యూబర్ ఖలీద్ ఆల్ అమెరీతో ప్రేమాయణం నడుపుతున్నట్లు వార్తలు వినిపిస్తున్నాయి.
ఖలీద్ తెలుగువారికి కూడా సుపరిచితుడే. యూట్యూబ్ లో ఫుడ్ టేస్ట్ చేసి రివ్యూస్ చెప్తూ ఉంటాడు. ఇక అతనికి ఇప్పటికే పెళ్లి అయ్యింది. విబేధాల కారణంగా మొదటి భార్య నుంచి విడాకులు తీసుకున్న ఖలీద్.. ఇప్పుడు సునైనాను వివాహమాడబోతున్నాడు. ఇక తమకు ఎంగేజ్ మెంట్ అయ్యిందంటూ.. వీరిద్దరూ సోషల్ మీడియా వేదికగా అధికారికంగా రింగ్స్ తో ఉన్న తమ చేతులను చూపిస్తూ చెప్పుకొచ్చారు ఈ ఫోటోపై అభిమానులు తమదైన రీతిలో స్పందిస్తున్నారు.
హీరోయిన్లందరికి సెకండ్ హ్యాండ్సె కావాలా.. ? అంటూ కొందరు కామెంట్స్ పెడుతుండగా.. మరికొందరు వారికి అల్ ది బెస్ట్ తెలుపుతున్నారు. ప్రస్తుతం ఈ వార్త నెట్టింట వైరల్ గా మారింది. త్వరలోనే వీరి వివాహం జరగనుంది.