Pawan Kalyan: ఏపీ డిప్యూటీ సీఎం పవన్ కళ్యాణ్ ప్రస్తుతం ఆయన బాధ్యతలను నిర్వర్తిస్తున్నారు. మునుపెన్నడూ లేని విధంగా ఏపీని తయారుచేయడానికి పవన్ కష్టపడుతున్నారు. ఇలా సమస్య అనగానే అలా పరిష్కారం చూపిస్తూ ప్రజలకు దగ్గరవుతున్నారు. ఇదంతా ఓకే కానీ, పవన్ అభిమానులు మాత్రం సినిమాలు ఎప్పుడు అని అడుగుతున్నారు.
ప్రస్తుతం పవన్ చేతిలో మూడు సినిమాలు ఉన్నాయి. వాటిని ఎప్పటికైనా ఫినిష్ చేయాలనీ పవన్ చూస్తున్నారు. ఇక తాజాగా ఒక సభలో అభిమానులు.. పవన్ సినిమాల గురించి అడిగేశారు. దీంతో తన సినిమాల గురించి పవన్ అందరికి ఒక క్లారిటీ ఇచ్చారు. అంతేకాదు.. సభాముఖంగా నిర్మాతలకు క్షమాపణలు తెలిపారు. ఒక సభలో అభిమానులు.. ఓజీ ఓజీ అంటూ గోల చేశారు.
ఇక ఆ మాటలు విన్న పవన్.. ” నేను ఓజీ అంటే వాళ్లు క్యాజీ అంటారు. సినిమాలు చేసే టైముందంటారా?. నిన్ను ఎన్నుకుంటే క‌నీసం రోడ్డు గుంత‌లు అయినా పూడ్చ‌లేదు అని తిట్టించుకోకూడ‌దు కదా.. అందుకే ఆ భయంతోనే మూడు నెలలు పాటు.. రోడ్లు, ప్రజా పాలనపైనే దృష్టిపెట్టాను. ఈ విషయంలో నా నిర్మాతలకు క్షమాపణలు చెప్పాను.
ఆంధ్ర‌ప్ర‌జ‌ల‌కు సేవ చేసుకుంటూ కుదిరిన‌ప్పుడ‌ల్లా రెండు మూడు రోజులు సినిమాలు చేస్తాన‌ని చెప్పాను. మీరు OG చూద్దురు గాని.. బాగుంటుంది” అంటూ చెప్పుకొచ్చారు. ప్రస్తుతం ఈ వ్యాఖ్యలు నెట్టింట వైరల్ గా మారాయి. ఇక పవన్ సినిమాల విషయాన్నికొస్తే.. హరిహర వీరమల్లు,OG షూటింగ్ చివరి దశలో ఉన్నాయి. ఉస్తాద్ భగత్ సింగ్ సగానికిపైగా షూటింగ్ జరగాల్సి ఉంది. మరి ఈ సినిమాలతో పవన్ ఎలాంటి విజయాన్నీ అందుకుంటారో చూడాలి.