మెగాస్టార్ చిరంజీవి అంటే హీరోగా త‌న జ‌ర్నీని మెల్ల‌గా షురూ చేసి స్టార్ హీరోగా ఎదిగి అగ్ర స్థానంలో నిల‌బడ్డారు. ఇప్పటికీ త‌న ఇమేజ్‌ను ఆయ‌న కొన‌సాగిస్తున్నారు. అయితే ఆయ‌న తర్వాత ఆయ‌న ఫ్యామిలీ నుంచి ఏకంగా పది మంది హీరోలు వ‌చ్చారు. వీరిలో ప‌వ‌న్ క‌ళ్యాణ్‌ను ఎప్పుడో మెగా ఇమేజ్‌నుంచి బ‌య‌ట‌కు వ‌చ్చేశారు. ఇప్పుడు రామ్ చరణ్, అల్లు అర్జున్ కూడా అదే బాట‌లో ఉన్నారు. రామ్ చరణ్ అంటే చిరంజీవి త‌న‌యుడు.. కానీ అల్లు అర్జున్ మేన‌ల్లుడు. కెరీర్ ప్రారంభంలో చిరంజీవి పేరుని ఎక్కువ‌గా ఉప‌యోగించిన బ‌న్నీ.. ఇప్పుడు మెగా ట్యాగ్‌ను ఉప‌యోగించ‌టం లేదు. దీనిపై కూడా రీసెంట్ ఇంట‌ర్వ్యూలో మెగాస్టార్‌చిరంజీవిని ప్ర‌శ్నించ‌గా.. ఆయ‌న రియాక్ట్ అయ్యారు.
‘‘మా ఫ్యామిలీ నుంచి ఇండ‌స్ట్రీలోకి వ‌చ్చిన వారు ప్ర‌తీసారి నా పేరుని ఉప‌యోగించ‌న‌క్క‌ర్లేదు. అలా ప్ర‌తీసారి ఉప‌యోగిస్తే బ‌య‌ట నుంచి చూసే వారికి చాలా ఇబ్బందిగా ఉంటుంది. ప‌వ‌న్ కళ్యాణ్ ఎద‌గాల‌ని నేను కోరుకుంటాను. అలాగే రామ్ చరణ్, అల్లు అర్జున్ కూడా మంచి స్థాయికి వెళ్లాల‌ని అనుకుంటాను. వారి ఎదుగుద‌ల‌ను ఎంజాయ్ చేస్తాను’’ అన్నారు చిరంజీవి.
డైరెక్ట‌ర్ బాబీ ద‌ర్శ‌క‌త్వంలో చిరంజీవి టైటిల్ పాత్ర‌లో న‌టించిన చిత్రం ‘వాల్తేరు వీరయ్య’. సంక్రాంతికి జనవరి 13న గ్రాండ్ రిలీజ్ అవుతుంది. మాస్ మహారాజా రవితేజ ఇందులో కీలక పాత్ర‌లో న‌టించారు. మైత్రీ మూవీ మేక‌ర్స్ బ్యాన‌ర్‌పై నవీన్ ఎర్నేని, వై.ర‌వి శంక‌ర్ ఈ చిత్రాన్ని నిర్మించారు.
Share
Allu Sirish: RRR విష‌యంలో అల్లు బ్ర‌ద‌ర్‌ని తిడుతున్న నంద‌మూరి ఫ్యాన్స్‌
Dhamaka ott Release Date: రవితేజ ఫ్యాన్స్‌కి గుడ్ న్యూస్‌.. ‘ధ‌మాకా’ ఓటీటీ డేట్
