Hero Maanas: మానస్ నాగులపల్లి గురించి సీరియల్ ప్రేక్షకులకు ప్రత్యేకంగా చెప్పాల్సిన అవసరం లేదు. కోకిలమ్మ సీరియల్ తో గుర్తింపు తెచ్చుకున్న మానస్.. బిగ్ బాస్ కు వెళ్లి మరింత ఫేమస్ అయ్యాడు. ఇక హౌస్ నుంచి బయటకు వచ్చాకా.. కాయ్ రాజా, ప్రేమికుడు లాంటి సినిమాల్లో నటించాడు. కానీ, ఆ సినిమాలు ఆశించిన ఫలితం అందుకోలేకపోయేసరికి మళ్లీ సీరియల్స్ లోకి వచ్చేశాడు.
ప్రస్తుతం బ్రహ్మముడి సీరియల్ లో నటిస్తున్న మానస్. గతేడాది ఒక ఇంటివాడయ్యిన విషయం తెల్సిందే. శ్రీజ అనే అమ్మాయితో గతేడాది నవంబర్ లో మానస్ కు వివాహమైంది. ఇక తాజాగా మానస్ అభిమానులకు గుడ్ న్యూస్ చెప్పుకొచ్చాడు. శ్రీజ, తాను త్వరలోనే తల్లిదండ్రులం కాబోతున్నట్లు తెలిపాడు. వారం రోజుల క్రితమే శ్రీజకు ఘనంగా సీమంతం జరిగినట్లు తెలుస్తోంది.
ఇక ఆ ఫోటోలను నేడు షేర్ చేస్తూ.. ” పెద్దలు కుదిర్చిన మా ప్రేమ ప్రయాణంలో.. మా రెండు హృదయాలు పర్ఫెక్ట్ గా మ్యాచ్ ను కనుగొన్నాయి. ఇప్పుడు మా కుటుంబం మరింత పెరుగుతుంది. బేబీ నాగులపల్లి వస్తున్నాడు” అంటూ రాసుకొచ్చాడు. ఇక ఈ ఫోటోలు నెట్టింట వైరల్ గా మారాయి. ఈ విషయం తెలియడంతో అభిమానులు.. మానస్ కు శుభాకాంక్షలు తెలుపుతున్నారు.
ఇక బిగ్ బాస్ తరువాత మానస్ కు మంచి గుర్తింపు వచ్చింది. దీని తరువాత అతడి ఇమేజ్ కూడా పెరిగింది. ఇక గతేడాది.. మానస్ కు లక్కీ అని చెప్పాలి. పెళ్లి అయిన నెలకే ఒక లగ్జరీ కారును కొనుగోలు చేశాడు. ఇక పెళ్లి అయ్యి ఏడాది కాకముందే తండ్రిగా కూడా ప్రమోషన్ అందుకున్నాడు. మరి ముందు ముందు మానస్ హీరోగా కూడా హిట్ అందుకుంటాడేమో చూడాలి.