Kamal Haasan’s Bharateeyudu-2 Trailer Out Now: భారతీయుడు మూవీకి సీక్వెల్ గా వస్తున్న భారతీయుడు(Indian 2) మూవీ విడుదలకు సిద్ధమైంది. సుమారుగా 28 ఏళ్ల తరువాత సీనియర్ నటుడు కమల్ హాసన్, ప్రముఖ డైరెక్టర్ శంకర్ కాంబినేషన్ లో వస్తున్న మూవీ కావడంతో ఈ సినిమాపై భారీ అంచనాలే ఉన్నాయి. ఎన్నో ఆటంకాల మధ్య షూటింగ్ కంప్లీట్ చేసుకుని విడుదలకు సిద్ధం కావడంతో అభిమానుల ఆనందానికి అవధుల్లేవు. ఈ మూవీకి సంబంధించిన ట్రైలర్ రిలీజైంది. ఈ ట్రైలర్ ఆ అంచనాలను మరింత రెట్టింపు చేసింది. ట్రైలర్ చూసిన సినిమా అభిమానులు హిట్ పక్కా అని అంటున్నారు.
జులై 12న ఈ సినిమా విడుదల కానున్నది. లంచగొండితనం, అవినీతి, అక్రమాలను అరికట్టడానికి సేనాపతి ఈసారి ఏం చేయనున్నారో తెలియాలంటే సినిమా రిలీజ్ అయ్యేవరకు వేచి చూడాల్సిందే. ఈ సినిమాలో కమల్ హాసన్ తోపాటు కాజల్ అగర్వాల్, సిద్ధార్థ, రకుల్ ప్రీత్ సింగ్, ఎస్ జె. సూర్. సముద్రఖని కీలక పాత్రల్లో నటించారు.
డైరెక్టర్ శంకర్ ఈ సినిమాను గ్రాండ్ గా తెరకెక్కించారు. లైకా ప్రొడక్షన్స్ మరియు రెడ్ జెయింట్ మూవీస్ బ్యానర్ పై ఉదయనిధి స్టాలిన్ – సుభాస్కరన్ భారతీయుడు 2 సినిమాను భారీ బడ్జెట్ తో రూపొందించారు. అనిరుధ్ ఈ సినిమాకు సంగీతాన్ని సమకూర్చాడు. ఇప్పుడు రిలీజ్ చేసినటువంటి ట్రైలర్ కూడా అదిరిపోయింది. ఇది సినిమా మీద ఎంతగానో హైప్ ను పెంచేలా ఉంది. మొదటి భాగంలో సేనాపతిని మళ్లీ ఎందుకు వెనక్కి తీసుకురావాల్సి వచ్చింది అనే అంశాన్ని ఎంతో ఆసక్తికరంగా ఈ ట్రైలర్ లో చూపించారు.
Also Read: Natural Star Nani : ఇట్స్ అఫీషియల్.. కల్కిలో నేచురల్ స్టార్ నాని.. ఏ క్యారెక్టర్లోనో తెలుసా ?
ఇదిలా ఉంటే.. 1996లో తమిళ స్టార్ డైరెక్టర్ శంకర్, విశ్వనటుడు కమల్ హాసన్ చేసిన భారతీయుడు సినిమా ఎంత హిట్ అయ్యిందో అందరికీ తెలిసిందే.