Malavika Nair: ఇండస్ట్రీలో ఎవరి లక్ ఎప్పుడు వస్తుందో ఎవరు చెప్పలేరు. ఎన్ని సినిమాలు చేసినా రాని గుర్తింపు.. ఒక్క సినిమాతో రావచ్చు. ఓవర్ నైట్ స్టార్ గా మారొచ్చు. తాజాగా ఒక హీరోయిన్ లక్ కూడా అలానే మారింది. ఆమె మాళవిక నాయర్. న్యాచురల్ స్టార్ నాని హీరోగా నటించిన ఎవడే సుబ్రమణ్యం సినిమాతో ఇండస్ట్రీకి పరిచయమైంది ఈ చిన్నది. నాగ్ అశ్విన్ దర్శకత్వం వహించిన ఈ సినిమా మంచి విజయాన్నే అందుకుంది. ఇక దీని తరువాత మాళవిక ఎదగడానికి బాగానే కష్టపడింది.
ఒక పక్క హీరోయిన్ గా చేస్తూనే ఇంకోపక్క పెద్ద పెద్ద సినిమాలో క్యామియోలు కూడా చేస్తూ వచ్చింది. ముఖ్యంగా నాగ్ అశ్విన్ దర్శకత్వం వహించే ఏ చిత్రంలోనైనా అమ్మడు నటించడానికి రెడీ గా ఉంటుంది. మహానటిలో కూడా మాళవిక.. ఒక ప్రత్యేక పాత్రలో నటించింది. ఎన్ని సినిమాలు చేసినా రాని గుర్తింపు.. మాళవికకు కల్కి ద్వారా వచ్చింది. అది కూడా సినిమా రిలీజ్ అవ్వకముందే రావడం విశేషం.
ప్రభాస్ హీరోగా నాగ్ అశ్విన్ దర్శకత్వంలో తెరకెక్కిన ఈ చిత్రం జూన్ 27 న ప్రేక్షకుల ముందుకు రానుంది. ఈ చిత్రంలో కమల్ హాసన్ విలన్ గా నటిస్తుండగా.. దీపికా పదుకొనే హీరోయిన్ గా నటిస్తుంది. అమితాబ్ బచ్చన్, దిశా పటానీ కీలక పాత్రల్లో నటిస్తుండగా.. వైజయంతీ మూవీస్ బ్యానర్ లో నటించిన నటీనటులందరూ ప్రత్యేక పాత్రల్లో నటిస్తున్నారు. అందులో మాళవిక కూడా ఒకరు.
నిన్న కల్కి రిలీజ్ ట్రైలర్ ను మేకర్ రిలీజ్ చేశారు. ఇందులో మాళవిక రెండు షాట్స్ లో కనిపించింది. ఇక ఆమె పాత్రపై సోషల్ మీడియాలో చర్చలు మొదలయ్యాయి. ఉత్తర గా ఆమె కనిపిస్తుందని, ఆమె కడుపులోని బిడ్డను చంపడానికి అశ్వద్ధామ ప్రయత్నిస్తాడని చెప్పుకొస్తున్నారు.
ఇక ఇంకొందరు మాత్రం మాళవిక అందానికి ఫిదా అవుతున్నారు. ఏం ఉందిరా మావా.. ఎలారా ఈ పిల్ల స్టార్ అవ్వలేకపోయింది అని, ఇప్పటివరకు ఈ అమ్మడు మనకెందుకు కనిపించలేదని కామెంట్స్ పెడుతున్నారు. ఈ సినిమాతో మాళవిక దశ తిరగబోతున్నట్లు తెలుస్తోంది. మరి ఈ సినిమా రిలీజ్ తరువాత అమ్మడు లైఫ్ ఎలా ఉండబోతుందో చూడాలి.