Shani Vakri 2024: జ్యోతిషశాస్త్రంలో శని చాలా ముఖ్యమైన గ్రహంగా పరిగణించబడుతుంది. శని ప్రభావంతో ఒక వ్యక్తి జీవితంలో పెను మార్పులు సంభవిస్తాయనే విషయాన్ని అందరూ బలంగా నమ్ముతారు. శని దేవుడు న్యాయం, కర్మలకు ఫలితాలను ఇచ్చేవాడు అని అంటారు. వ్యక్తుల చర్యలను బట్టి శని దేవుడు తగిన ఫలితాలను ఇస్తాడని పురాణాలు చెబుతుంటాయి. శణి దేవుడికి కోపం వస్తే జీవితంలో చాలా కష్టాలు ఎదుర్కోవాల్సి ఉంటుంది. అంతేకాదు కొన్ని సార్లు శని కోపానికి గురైన వారి జీవితాలు చెల్లాచెదురు అయిపోతాయని భక్తులు గట్టిగా నమ్ముతారు. అయితే జ్యోతిష్య శాస్త్రం ప్రకారం ప్రస్తుతం శని కుంభరాశిలో ఉన్నాడు. శని సంవత్సరం మొత్తం ఈ రాశిలోనే ఉండబోతున్నాడు.
జ్యోతిషశాస్త్రంలో శని చాలా ముఖ్యమైన గ్రహం
కుంభరాశిలో ఉన్నప్పుడు శని జూన్ 29న తిరోగమనంలో ఉంటుంది. నవంబర్ 15 వరకు కుంభరాశిలో శని తిరోగమనంలో ఉంటాడు. శని తిరోగమనం తర్వాత కొన్ని రాశుల అదృష్టాన్ని మార్చబోతున్నాడు. అయితే ఆ రాశుల వివరాలు ఏంటో ఇప్పుడు తెలుసుకుందాం.
వృషభ రాశి
వృషభ రాశి వారికి శని తిరోగమనం చాలా ప్రయోజనాలను ఇస్తుంది. ఫలితంగా డబ్బు, వృత్తిలో గొప్ప పురోగతిని సాధిస్తారు. వ్యాపారం లాభసాటిగా ఉంటుంది. ఉద్యోగంలో సస్పెండ్ చేసిన పని మళ్లీ ప్రారంభమవుతుంది. లాభాలకు కూడా మంచి దారి చూపుతాడు. శని తిరోగమనం ఈ రాశి వారికి అనేక విధాలుగా ప్రయోజనం చేకూరుస్తుంది. వైవాహిక జీవితంలో సమస్యలు పరిష్కారమవుతాయి. దూర ప్రయాణానికి వెళ్లే ముందు జాగ్రత్త వహించండి. విద్యార్థులు పోటీ పరీక్షల్లో రాణిస్తారు. ఎవరికైనా అప్పుగా డబ్బు ఇచ్చి ఉంటే అది తిరిగి వస్తుంది.
Also Rea: July 1st Week Lucky Rashi: జూలై మొదటి వారం నుండే ఈ రాశుల వారి జీవితాల్లో అదృష్ట మార్పు
కర్కాటక రాశి
శని తిరోగమన కదలిక కర్కాటక రాశి వారికి లాభాలను ఇస్తుంది. కొన్ని సందర్భాల్లో ఊహించని లాభాలను పొందుతారు. కార్యాలయంలో సహోద్యోగుల నుండి పూర్తి సహకారం పొందుతారు. స్నేహితులతో సరదాగా గడుపుతారు. శని తిరోగమనం కారణంగా వ్యాపారం, పనిలో విజయాన్ని పొందుతారు. సోదరులు, సోదరీమణులపై ప్రేమ పెరుగుతుంది. తోటి వారికి కూడా సహాయం చేస్తారు. కాలానుగుణంగా అదృష్ట దీవెనలు అందుతాయి. ఇది అసంపూర్తిగా ఉన్న పనులను పూర్తి చేస్తుంది. ఈ సమయంలో కష్టానికి తగిన ఫలితాలను పొందుతారు.
మకర రాశి
శని స్థానం ఆర్థికంగా లాభాన్ని ఇస్తుంది. ఈ కాలంలో డబ్బు ఆదా చేయడంలో విజయవంతమవుతారు. ఇది బ్యాంక్ బ్యాలెన్స్‌ను పెంచుతుంది. డబ్బు ఆదా చేయగలుగుతారు. చాలా కాలంగా ఆస్తిని విక్రయించాలని కోరుకుని అలా చేయకపోతే అది ఈ సమయంలో జరుగుతుంది. కొత్త ఆస్తిని కొనుగోలు చేయవచ్చు. ఈ కాలంలో మకర రాశి వారికి కుటుంబ సౌఖ్యం పెరుగుతుంది. ప్రేమ సంబంధాలకు ఈ సమయం అనుకూలంగా ఉంటుంది. ఈ సమయంలో సమాజంలో గౌరవం పెరుగుతుంది.