June 2024 Discounts Offers on Maruti Suzuki Nexa Cars: దేశీయ మార్కెట్‌లో కార్లకు మంచి డిమాండ్ ఉంది. అందులోనూ మారుతీ సుజుకీ కార్లు ముందు వరుసలో ఉంటాయి. సామాన్యులకు బడ్జెట్ ధరలో అందుబాటులో ఉండటమే కాకుండా.. సేఫ్టీ పరంగా కూడా మంచి ఫీచర్లు అందిస్తూ అందరినీ ఆకట్టుకుంటోంది. అయితే తమ కార్ల సేల్స్‌ను మరింత పెంచేందుకు తరచూ తమ మోడళ్లపై కంపెనీ డిస్కౌంట్ ఆఫర్లను ప్రకటిస్తూ ఉంటుంది. ఇందులో భాగంగానే జూన్‌ నెలలో Nexa డీలర్‌లు Invicto మినహా దాదాపు అన్ని మోడళ్లపై వివిధ తగ్గింపులను అందిస్తున్నారు. అవేంటో తెలుసుకుందాం.
గ్రాండ్ వితార
గ్రాండ్ విటారా హైబ్రిడ్ రూ. 74,000 వరకు విలువైన ప్రయోజనాలతో వస్తుంది. ఇందులో రూ. 20,000 నగదు తగ్గింపు, రూ. 50,000 ఎక్స్ఛేంజ్ బోనస్, రూ. 4,000 కార్పొరేట్ ప్రయోజనాలు ఉన్నాయి. అదనంగా హైబ్రిడ్ వేరియంట్‌లపై మూడు సంవత్సరాల పొడిగించిన వారంటీ కూడా ఉంది. పెట్రోల్ వేరియంట్‌ల కోసం తగ్గింపులు రూ. 14,000 నుంచి రూ. 64,000 మధ్య ఉంటాయి. అదే CNG వెర్షన్ రూ.4,000 విలువైన కార్పొరేట్ ప్రయోజనాలను అందిస్తుంది.
ఫ్రాంక్స్
Fronx మోడల్‌లోని టర్బో-పెట్రోల్ వేరియంట్‌లు రూ. 57,000 వరకు తగ్గింపులను అందిస్తాయి. ఇందులో రూ. 15,000 నగదు తగ్గింపు, రూ. 10,000 ఎక్స్ఛేంజ్ బోనస్, రూ. 2,000 వరకు కార్పొరేట్ ప్రయోజనాలు ఉన్నాయి. వెలాసిటీ ఎడిషన్ యాక్సెసరీ కిట్ విలువ రూ. 30,000 ఉంది. NA పెట్రోల్ వేరియంట్‌లు రూ. 27,000 వరకు తగ్గింపులతో అందుబాటులో ఉన్నాయి. అలాగే CNG వెర్షన్‌లు రూ. 12,000 విలువైన తగ్గింపులతో అందుబాటులో ఉన్నాయి.
Also Read: కెవ్ కేక.. టాటా కార్లపై రూ.1.25 లక్షల భారీ తగ్గింపు.. ఆఫర్లు ఎప్పటివరకంటే..?
జిమ్నీ
జిమ్నీ ఇప్పుడు అన్ని వేరియంట్‌లపై రూ. 50,000 వరకు నగదు తగ్గింపును అందిస్తోంది. ఇది 5-స్పీడ్ మాన్యువల్ లేదా 4-స్పీడ్ టార్క్ కన్వర్టర్‌తో జత చేయబడి. ఇది 105hp, 134Nm ఉత్పత్తి చేసే 1.5-లీటర్ పెట్రోల్ ఇంజన్ ద్వారా శక్తిని పొందుతుంది.
బాలెనో
Baleno AMTపై రూ. 57,100 ప్రయోజనాలు ఉన్నాయి. ఇందులో రూ. 35,000 నగదు ప్రయోజనాలు, రూ. 15,000 ఎక్స్ఛేంజ్ బోనస్, రూ. 2,000 కార్పొరేట్ బోనస్ ఉన్నాయి. మాన్యువల్ వేరియంట్‌లు రూ.52,100 వరకు తగ్గింపును పొందగా.. CNG వేరియంట్‌లో రూ. 32,100 ఆదా అవుతుంది.
ఇగ్నిస్
ఇగ్నిస్ AMT వేరియంట్‌లు రూ. 58,100 విలువైన ప్రయోజనాలతో అందుబాటులో ఉన్నాయి. తక్కువ నగదు ప్రయోజనాల కారణంగా మాన్యువల్ వేరియంట్‌లు రూ. 53,100 వరకు తగ్గింపును పొందుతాయి. ఇగ్నిస్ 83 హెచ్‌పి, 113 ఎన్ఎమ్ టార్క్ ఉత్పత్తి చేసే 1.2-లీటర్ పెట్రోల్ ఇంజన్‌ను కలిగి ఉంది.
సియాజ్
Also Read: డ్రీమ్ ఎడిషన్‌ను తీసుకొచ్చిన మారుతి సుజుకి.. ధర తక్కువ, ఫీచర్లు ఎక్కువ..!
Ciaz మోడల్‌లో అన్ని వేరియంట్‌లు రూ. 48,000 వరకు తగ్గింపులను అందిస్తాయి. అందులో రూ.20,000 నగదు తగ్గింపు, రూ. 25,000 ఎక్స్ఛేంజ్ బోనస్, రూ. 3,000 విలువైన కార్పొరేట్ ప్రయోజనాలను ఉన్నాయి.ఇక ఈ సియాజ్ ధర విషయానికొస్తే.. ఇది రూ.9.40 లక్షల నుంచి రూ.12.29 లక్షల మధ్య ఉంది.
XL6
XL6 పెట్రోల్ వేరియంట్‌లు రూ. 10,000 నగదు తగ్గింపు, రూ. 20,000 ఎక్స్ఛేంజ్ బోనస్‌తో సహా రూ.30,000 వరకు తగ్గింపులను అందిస్తాయి. CNG వెర్షన్ రూ. 10,000 ఎక్స్చేంజ్ బోనస్ మాత్రమే పొందుతుంది. XL6 ధర రూ. 11.61 లక్షల నుండి రూ. 14.77 లక్షల వరకు ఉంది. ఇక వీటికి సంబంధించి మరిన్ని వివరాలు తెలియాలంటే సమీపంలోని డీలర్‌షిప్‌లను సంప్రదించాల్సి ఉంటుంది.