Apsaras : ఒక అమ్మాయి అందంగా వుంటే అప్సరసలా ఉంది అంటారు .పురాణముల ప్రకారం దేవలోకంలో ఎందరో అప్సరసలు ఉన్నారు. బ్రహ్మ పురాణం ప్రకారం అప్సరలు 31మంది ఉన్నారు. అప్సరసలు అంటే అందరికీ గుర్తొచ్చేది రంభ,ఊర్వశి, మేనక, తిలోత్తమలే మనకు గుర్తొస్తారు. అప్సరసలు తమ సౌందర్యంతో ఎంతోమంది దీక్షలను భగ్నం చేసి ఎన్నో ప్రళయాలు జరగకుండా ఆపగలిగారు. అదేవిధంగా మరెంతో మంది మునులు తపస్సు భగ్నం కారణంగా శాపానికి గురైన వారు ఉన్నారు. ఎన్నో యుగాలు మారిన తమ అందం మాత్రం తగ్గని వారే ఈ అప్సరసలు. నిజానికి అప్సరసలు 31 మంది. వీరిని ఏకత్రింశతి అప్సరసలు అని కూడా అంటారు.
రంభ, మేనక, ఊర్వశి, తిలోత్తమ, సుభోగ, విశ్వాచి, విపులానన, భద్రాంగి, చిత్రసేన, ప్రమోచన, ఘృతాచి, సహజన్య మ్లోచ, వామన, మండోదరి, ప్రమ్లోద, మనోహరి, మనో మోహిని, రామ, చిత్రమధ్య, శుభానన,సుకేశి, నీలకుంతల, మన్మదోద్ధపిని, అలంబుష, మిశ్రకేశి, పుంజికస్థల, క్రతుస్థల,వలాంగి, పరావతి, మహారూప, శశిరేఖ వంటి 31 మందిని అప్సరసలుగా పిలిచేవారు.
అసలు అప్సరసల పుట్టుక వెనుక రకరకాల కథలు ఉన్నాయి బ్రహ్మ పిరుదుల నుండి పుట్టిన రాక్షసులు వెంటపడితే విష్ణుమూర్తి ఉపాయంతో బ్రహ్మ తన శరీరాన్ని విడిచి పెట్టాడట. అప్పుడే తన చేతిని సంతోషంతో వాసన చూసుకున్నాడట. అప్పుడు గంధర్వులూ అప్సరసలూ పుట్టారట. అలాగే క్షీర సముద్రాన్ని చిలుకుతున్నప్పుడు అప్సరసలు పుట్టారని కూడా చెపుతారు!
Follow this link for more updates:- Bigtv