మాస్ మహారాజా రవితేజ ఫ్యాన్స్ సెలబ్రేషన్స్లో ఉన్నారు. 2022 ఎండింగ్లో రవితేజ ఈసారి బ్లాక్ బస్టర్ తన ఖాతాలో వేసుకున్నారు. ఆయన కథానాయకుడిగా త్రినాథరావు నక్కిన దర్శకత్వంలో పీపుల్ మీడియా ఫ్యాక్టరీ బ్యానర్పై టి.జి.విశ్వ ప్రసాద్ ఈ చిత్రాన్ని నిర్మించారు. డిసెంబర్ 23న విడుదలైన ఈ చిత్రం రూ.100 కోట్లకు పైగా గ్రాస్ కలెక్షన్స్ను సాధించింది. రవితేజ కెరీర్లోనే హయ్యస్ట్ కలెక్షన్స్ సాధించిన చిత్రమిది.
ధమాకా చిత్రాన్ని ఎవరైతే థియేటర్లో చూడలేదో.. వారికి త్వరలోనే గుడ్ న్యూస్ వచ్చేసింది. అదేంటంటే.. ఈ చిత్రం త్వరలోనే డిజిటల్ మాధ్యమంలో ప్రేక్షకులను మెప్పించనుంది. సినీ సర్కిల్స్లో వినిపిస్తోన్న సమాచారం మేరకు జనవరి 22న ధమాకా సినిమాను ప్రముఖ డిజిటల్ సంస్థ నెట్ఫ్లిక్స్లో రిలీజ్ కానుంది. నిజంగానే.. రవితేజ ఫ్యాన్స్కి మంచి వార్తే. థియేటర్స్లో టాక్కి భిన్నంగా సెన్సేషనల్ హిట్ సాధించిన ధమాకా మూవీ.. మరి ఓటీటీలో ఎలాంటి రికార్డులు క్రియేట్ చేస్తుందో చూడాలి మరి.
ఈ సక్సెస్ సెలబ్రేట్ చేసుకుంటున్న మహారాజా ఫ్యాన్స్కు సంక్రాంతికి ట్రీట్ ఇవ్వటానికి రవితేజ రెడీ అయ్యారు. ఆయన మెగాస్టార్ చిరంజీవితో కలిసి నటించిన వాల్తేరు వీరయ్య చిత్రం జనవరి 13న రిలీజ్ కానుంది.