iPhone 16 Plus Features, Price and Details: ప్రపంచవ్యాప్తంగా ఎన్ని ఫోన్లు ఉన్న ఐఫోన్కు ఉన్న క్రేజ్ గురించి ప్రత్యేకంగా చెప్పక్కర్లేదు. యాపిల్ నుంచి కొత్త గ్యాడ్జెట్ వస్తుందంటే చాలు టెక్ లవర్స్ వేయి కళ్లతో ఎదురుచూస్తుంటారు. ఈ క్రమంలో యాపిల్ నుంచి ఐఫోన్ 16 ప్లస్ విడుదలకు సిద్ధమైంది. ఇది Apple ఫ్లాగ్షిప్ స్మార్ట్ఫోన్ బ్రాండ్. ఇది ఈ సంవత్సరం సెప్టెంబర్లో లాంచ్ అవుతుంది. ఈసారి iPhone 16కి కొన్ని కొత్త ఫీచర్లు ఉంటాయి. దీని కారణంగా Apple iPhone 16 ప్లస్ గత సంవత్సరం లాంచ్ అయిన iPhone 15తో పోలిస్తే సూపర్ ఫాస్ట్గా ఉంటుంది.
అయితే ఇప్పుడు జూన్ దాదాపు ముగిసింది.ఐఫోన్ 16 సిరీస్ లాంచ్కి కొన్ని నెలలు మాత్రమే మిగిలి ఉన్నాయి. ప్రతిసారీ మాదిరిగానే ఈసారి కూడా ఆపిల్ తన తాజా సిరీస్ను సెప్టెంబర్లో పరిచయం చేస్తుంది. రిలీజ్ డేట్ దగ్గర పడుతుండగా తదుపరి ఐఫోన్ గురించి ఒకదాని తర్వాత ఒకటి లీకులు వస్తున్నాయి. ఫోన్కు సంబంధించిన పలు ఫీచర్లను కూడా వెల్లడించారు. ముఖ్యంగా ఐఫోన్ 16 ప్లస్కు సంబంధించి చాలా పెద్ద అప్డేట్లు వచ్చాయి. మీరు కూడా కొత్త సిరీస్ కోసం ఎదురుచూస్తున్నట్లయితే ఈ కొత్త లీక్ల గురించి ఖచ్చితంగా తెలుసుకోండి.
Also Read: బిగ్గెస్ట్ డిస్కౌంట్.. రూ.12 వేలకే ఐఫోన్ 14 ప్లస్.. అసలు కారణం ఇదే!
లీక్లలో వచ్చిన నివేదికల ప్రకారం ఐఫోన్ 15 ప్లస్తో పోలిస్తే ఐఫోన్ 16 ప్లస్లో కొత్త డిజైన్ను చూడవచ్చు. ఐఫోన్ 13 నుండి వనిల్లా మోడల్స్ అదే కెమెరా డిజైన్ను పొందుతున్నాయి. అయితే ఈసారి డిజైన్లో మార్పు స్థిరమైన వీడియో క్యాప్చర్లో సహాయపడుతుంది. ఇది ప్రస్తుతం iPhone 15 ప్రో మోడల్లకు ఉంటుంది. యాపిల్ iPhone 16 వనిల్లా మోడల్లో పాత వర్టికల్ కెమెరా లేఅవుట్ను తిరిగి తీసుకురావచ్చు.
WWDC 2024లో కంపెనీ అనేక పెద్ద ప్రకటనలను కూడా చేసింది. ఇది సాధారణ iPhone 15, పాత iPhone 14 మోడళ్లలో అందుబాటులో లేని కొత్త ప్రొడక్టీవ్ AI ఫీచర్ Apple Intelligenceని ఆపిల్ తీసుకువస్తోందని చూపిస్తుంది. అయితే ఇది iPhone 16 సాధారణ మోడల్లో తీసుకురానున్నారు. ఎందుకంటే కొత్త ఫీచర్లు చాలా భారీగా ఉంటాయి. దీనికి కనీసం 8GB RAM అవసరం అవుతుంది. ఐఫోన్ 15లో 6జీబీ ర్యామ్ మాత్రమే ఉంది. కాబట్టి కంపెనీ పాత మోడళ్లలో దీన్ని అందించదు.
Also Read: ఐఫోన్ 16 ఆగయా.. అదిరిపోయిన ఫీచర్లు!
ఐఫోన్ 16 ప్లస్ ధర విషయానికి వస్తే ఐఫోన్ 15 ప్లస్ను యాపిల్ గత ఏడాది రూ. 89,900 ప్రారంభ ధరతో భారతదేశంలో విడుదల చేసింది. ఐఫోన్ 16 ప్లస్ కూడా అదే ధరతో లాంచ్ అయే అవకాశం ఉంది. Apple గత కొన్ని తరాలుగా ధరలను స్థిరంగా ఉంచుతుంది. కొన్ని నివేదికలు కొత్త మోడల్లకు రూ. 10,000 వరకు ధరలను పెంచుతున్నట్లు కూడా సూచిస్తున్నాయి.