Hemant soren news (latest political news in India) :
![Supreme Court Dismisses Hemant Soren's Petition](https://www.bigtvlive.com/wp-content/uploads/2024/02/Supreme-Court-Dismisses-Hemant-Sorens-Petition.jpg)
మనీలాండరింగ్ కేసులో అరెస్ట్ అయిన జార్ఖండ్ మాజీ సీఎం హేమంత్ సోరెన్ కు సుప్రీంకోర్టులో షాక్ తగిలింది. తన అరెస్టును సవాల్ చేస్తూ సోరేన్ సుప్రీం కోర్టులో పిటిషన్ వేశారు. అయితే, ఈ విషయంలో తాము జోక్యం చేసుకోలేమని సర్వోన్నత న్యాయస్థానం తెల్చేసింది. హైకోర్టుకు వెళ్లాలని సూచించింది.
భూకుంభకోణం కేసును దర్యాప్తు చేస్తున్న ఈడీ సోరెన్ను బుధవారం అరెస్టు చేసింది. దీనిని సవాల్ చేస్తూ ఆయన మొదట ఝార్ఖండ్ హైకోర్టులో పిటిషన్ వేశారు. ఆ పిటిషన్ నిన్న ఉదయం ధర్మాసనం ముందుకు వెళ్లాల్సి ఉంది. కానీ, సుప్రీంకోర్టు సీనియర్ అడ్వకేట్ కపిల్ సిబల్, అభిషేక్ సింఘ్విలు డైరెక్ట్గా సుప్రీంకోర్టుకు వెళ్తే మంచిదని సూచించారు.
అడ్వకేట్ల సూచనతో హేమంత్ సోరేన్ సుప్రీంకోర్టును ఆశ్రయించారు. కుట్రపూరితంగానే ఎన్ ఫోర్స్ మెంట్ డైరెక్ట రేట్ తనను అరెస్టు చేసిందని సోరెన్ తన పిటిషన్ పేర్కొన్నారు. రాజీనామా సమర్పణకు రాజ్భవన్కు వెళ్తే అక్కడే అరెస్టు చేయడం అన్యాయమని ఆవేదన వ్యక్తం చేశారు. కానీ, హైకోర్టుకు వెళ్లాలని సుప్రీం సూచించింది.