Shocking Video: సోషల్ మీడియాలో వైరల్ అయ్యేందుకు కొంత మంది ఆకతాయిలు మూగ జీవులను ఇబ్బంది పెడుతున్నారు. ఇప్పటికే ఇలాంటి వీడియోలు తరచూ నెట్టింట వెలుగుచూస్తున్నా కూడా ఎటువంటి చర్యలు తీసుకోకపోవడంతో ఇంకా పెరిగిపోతున్నాయి. హిందూ సంప్రదాయాల ప్రకారం నాగు పాములను దేవుడిగా పూజిస్తారు. శివుడి మెడలో అలంకారంగా ఉండే పాములను పూజించడం హిందువుల సంప్రదాయం. ఈ తరుణంలో ప్రతీ ఏడాది శ్రావణ మాసంలో వచ్చే నాగుల పంచమి నాడు పాములను పూజిస్తుంటారు. ఎంతో భక్తి, శ్రద్ధలతో పాముకు పాలు పోసి, పూలు, పండ్లు వివిధ రకాలుగా పూజిస్తుంటారు. అయితే ఈ ఏడాది శుక్ల పక్ష పంచమి తిథి నాడు వచ్చిన నాగుల పంచమి నాడు నాగ దేవతకు భక్తులు ఘనంగా పూజలు చేశారు. శుక్రవారం నాడు దేశ వ్యాప్తంగా ఈ వేడుకలు ఘనంగా జరిగాయి.
ఈ తరుణంలో కొంత మంది ఆకతాయిలు చేసిన పని నెట్టింట హల్ చల్ చేస్తోంది. వీడియోలో కొంత మంది యువకులు నాగు పాము పుట్టిన రోజు అంటూ నాగు పాము ముందే కేక్ కట్టింగ్ చేయించారు. ఈ తరుణంలో ఓ అడవి లాంటి ప్రాంతంలో ఈ ఘటన వెలుగుచూసింది. ఏకంగా పదుల సంఖ్యలో ఉన్న యువకులు పాము ముందు ఓ కేక్ పెట్టారు. దానిని కట్ చేసి దానికి తినిపించేందుకు కూడా ప్రయత్నించారు.
నాగుల పంచమి నాడు ఎంతో భక్తి, శ్రద్ధలతో పూజలు చేయాల్సింది పోయి, ఇలాంటి చేష్టలకు పాల్పడడం ఏంటని నెటిజన్లు మండిపడుతున్నారు. దీనికి సంబంధించిన వీడియోను ఫేస్ బుక్ లో అప్లోడ్ చేయడంతో మిలియన్లలో వ్యూస్ వచ్చాయి. దీనిపై నెటిజన్లు రకరకాలుగా స్పందిస్తున్నారు.