Student Held Over Ragging at SSN College Narasaraopet: ర్యాగింగ్ వద్దని ఏళ్లుగా నోళ్లు బాదుకుంటున్నా.. కొందరు విద్యార్థులు మాత్రం పెడచెవిన పెడుతున్నారు. చదువుకుంటారని కాలేజీకి పంపిస్తే.. చదువు తప్ప అన్నీ చేస్తుంటారు. సీనియారిటీ వస్తే చాలు ఇక తెగ రెచ్చిపోతారు. తమంతట వాళ్లే లేరని విర్రవీగిపోతారు. వారి శాడిజమంతా జూనియర్లపై చూపిస్తూ సైకో ఆనందం పొందుతారు.
గుంటూరు జిల్లాలోని ఓ కాలేజీలో ర్యాగింగ్ పేరుతో విద్యార్థుల వికృత చేష్టలు.. వెలుగులోకి వచ్చాయి. ఇప్పుడు సోషల్ మీడియాలో తెగ వైరలవుతున్నాయి. నరసరావుపేటలోని SSN కాలేజీలో NCC ట్రైనింగ్ పేరుతో సీనియర్ విద్యార్థులు.. జూనియర్లను ర్యాగింగ్ పేరుతో చావబాదారు. అర్థరాత్రి ఒక్కొక్కరిగా జూనియర్లను తమ గదికి పిలుపించుకుని.. మూకుమ్మడిగా కర్రలతో చితక్కొట్టేశారు. అది కూడా వారిని పడుకోబెట్టి పిరుదులపై కొట్టి.. సైకోల్లా బిహేవ్ చేశారు. ఏడుస్తున్నా కనికరించలేదు.
ఏడిస్తే మళ్లీ కొడతామంటూ బెదిరించారు. అంతేకాకుండా వారిని కొడుతూ వీడియోలు తీస్తూ ఏంజాయ్ చేశారు.అయితే జూనియర్ విద్యార్ధులు కొందరు వీడియోలు తీసి సోషల్ మీడియాలో పోస్ట్ చేశారు. ఈ ర్యాగింగ్ వీడియోలు సోషల్ మీడియాలో వైరల్ అవడంతో నరసరావుపేట పోలీసులు కాలేజీ వద్దకు చేరుకొని స్టూడెంట్స్ తోమాట్లాడి వివిరాలు సేకరిస్తున్నారు.
Also Read: మరోసారి ఢిల్లీ మెట్రోలో రచ్చ.. యువతి మామూలుగా రెచ్చిపోలేదు
అయితే దీనిపై కాలేజి సిబ్బందిని వివరణ కోరగా.. వాస్తవానికి ఈ ఘటన జరిగి ఏడాది దాటిందని చెబుతున్నారు. అయితే తాజాగా విద్యార్దులు సోషల్ మీడియాలో షేర్ చేయడంతో ప్రస్తుతం ఈ ర్యాగింగ్ వీడియో వైరల్ అవుతుంది. ఇలాంటి ఘటనలు జరగకుండా.. అందుకు తగిన చర్యలు చూసుకుంటామని.. పోలీసులు తెలియజేశారు.
ర్యాగింగ్ పేరుతో విద్యార్థుల వికృత చేష్టలు.
పల్నాడు జిల్లా నరసరావుపేటలోని ఎస్ఎస్ఎన్ కాలేజీలో ఎన్సిసి ట్రైనింగ్ పేరుతో సీనియర్ విద్యార్థులు జూనియర్ విద్యార్థులపై అర్ధరాత్రి వేళలో ర్యాగింగ్ చేస్తున్నారు. pic.twitter.com/6QzYZaHFj5— ChotaNews (@ChotaNewsTelugu) July 24, 2024