Gujarat Job Interview Video Viral: గుజరాత్లోని భరూచ్ జిల్లాలో పది ఉద్యోగాల కోసం పద్దెనిమిది వందల మందికిపైగా అభ్యర్థులు తరలివచ్చారు. అంకలేశ్వర్లోని హోటల్ లార్డ్స్ ప్లాజాలో ఒక కెమికల్ సంస్థ వాక్ ఇన్ ఇంటర్వ్యూ నిర్వహించింది. అయితే అభ్యర్థులు ఒక్కసారిగా రావడంతో ఇంటర్వ్యూలో తొక్కిసలాట జరిగి గందరగోళం నెలకొంది.
భరూచ్ జిల్లాలో ఓ ప్రైవేట్ కెమికల్ కంపెనీలో 10 పోస్టుల భర్తీ కోసం అభ్యర్థులను ఇంటర్వ్యూ కోసం ఆహ్వానించింది. దీంతో అభ్యర్థులు రెజ్యూమ్ కాపీలను చేతిలో పట్టుకొని క్యూలో నిల్చున్నారు. ఒక్కసారిగా అభ్యర్థుల సంఖ్య పెరిగిపోవడంతో గందరగోళం నెలకొంది. అందరూ ఒకేసారి హోటల్ గేటు నుంచి లోపలికి వెళ్లేందుకు ప్రయత్నించారు. దీంతో తోపులాట జరిగింది. దీంతో అక్కడ ఉన్న రైలింగ్ ఒంగిపోయింది. కొంతమంది ఏకంగా కిందపడడంతో రైలింగ్ విరిగిపోయింది. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది.
ఉద్యోగాల విషయానికొస్తే.. షిఫ్ట్ ఇన్చార్జ్, ప్లాంట్ ఆపరేటర్, సూపర్ వైజర్, ఫిట్టర్, మెకానికల్, ఎగ్జిక్యూటివ్ జాబ్స్ కోసం 1800మందికిపైగా తరలివచ్చారు. దీంతో అక్కడ పరిస్థితి గందరగోళానికి దారితీసుంది. ఈ ఉద్యోగాల కోసం కెమికల్ ఇంజనీరింగ్, బీఈ, ఐటీఐ చదివిన అభ్యర్థులు హాజరైనట్లు తెలుస్తోంది.
🚨 Over 1,800 people had shown up for an open interview for 10 vacancies advertised by an engineering company in Jhagadia, Gujarat. (📷-NDTV) pic.twitter.com/HKr2sZFkUu
— Indian Tech & Infra (@IndianTechGuide) July 12, 2024