Bike stunt Video: సోషల్ మీడియాకు చిన్న వారి నుంచి పెద్ద వారి వరకు బానిసలు అవుతున్నారు. తరచూ రీల్స్, వీడియోలు అంటూ ఏ పని పడితే ఆ పని చేసేస్తున్నారు. సోషల్ మీడియాలో ఫేమస్ అయ్యేందుకు ప్రాణాలను కూడా లెక్కచేయడం లేదు. ఈ తరుణంలో ప్రమాదకర స్థలాలను ఎంచుకుని మరి విన్యాసాలు చేస్తున్నారు. ఇలా ప్రమాదకర విన్యాసాలు చేసి ఇప్పటికే చాలా మంది ప్రాణాలు బలిగొన్న విషయం తెలిసిందే. ఇలా రైలు, బైక్స్, కార్లు వంటి వాటిపై విన్యాసాలు చేస్తుంటారు. ఇలాంటి వీడియోలు తరచూ ఎన్ని వెలుగుచూస్తున్నా కూడా యువత మాత్రం మారడం లేదు. అయితే తాజాగా కొంత మంది యువకులు ప్రాణాలకు తెగించి వీడియోలు తీసేందుకు ప్రయత్నించారు.

కేవలం సరదా కోసం వీడియోలు చేస్తూ ప్రాణాలు పోతాయని కూడా ఆలోచించడానికి చేస్తున్న విన్యాసాలపై నెటిజన్లు మండిపడుతున్నారు. తాజాగా కొంతమంది యువకులు చేసిన వీడియో ప్రస్తుతం సోషల్ మీడియాలో వైరల్ అవుతోంది. ఏకంగా మొసళ్లు ఉన్న చెరువులోకి దిగి మరి విన్యాసాలు చేశారు. సరస్సులో బైకులు, కారులు నడుపుతూ కనిపించారు. దీనికి సంబంధించిన విన్యాసాలను వీడియోలుగా చిత్రీకరించి మరి సోషల్ మీడియాలో పోస్ట్ చేశారు. ఈ వీడియో కాస్త వైరల్ కావడంతో పోలీసులు దాదాపు 20 మందిని అదుపులోకి తీసుకున్నారు.

ఈ ఘటన రాజస్థాన్ లోని అల్వార్ జిల్లాలో వెలుగుచూసింది. సిలిసెహర్ అనే మొసళ్లు ఉండే సరస్సులో కొంత మంది యువకులు విన్యాసాలు చేశారు. ఏకంగా 300 మొసళ్లకు పైగా ఉండే ఈ సరస్సులో ఓ వ్యక్తి బైక్ నడుపుతూ సాహసం చేశాడు. మరికొంత మంది జీపులతో సరస్సులోకి వెళ్లారు. ఇలా చేసిన వీడియోలను నెట్టిం పోస్ట్ చేశారు. దీంతో ఈ ఘటనపై స్థానికులు, పోలీసులు తీవ్ర స్థాయిలో మండిపడ్డారు. రెండు రోజుల్లో దాదాపు 20 మంది యువకులను అరెస్టు చేశారు. నిందితులు అందరు 18 సంవత్సరాల నుంచి 29 సంవత్సరాల వయసు గల వారని తెలిపారు. ఎస్ యూవీ కారు, బైకులతో హంగామా సృష్టించారని, ఇక ఈ ప్రాంతంలో ఇటువంటి ఘటనలు వెలుగుచూడకుండా సెక్యూరిటీ గార్డులను ఏర్పాటు చేసినట్లు తెలిపారు.

#Alwar – सिलीसेढ़ झील में बाइक और कार चलाते हुए कुछ युवकों का वीडियो आया सामना, अकबरपुर पुलिस ने वीडियो बनाने वाले युवकों को और साथ ही 7 बाइक, एक कार बरामद की#sadhnaplusnewsrajasthan #siliserhlake #rajasthangovt #akbarpurpolice pic.twitter.com/7EtJCFBrO3

— Sadhna Plus News Rajasthan (@sadhnaplusraj) July 16, 2024

Share

• 
• 
• 
• 
• 
•