Viral Video: ఇటీవల సోషల్ మీడియాలో వినూత్న వీడియోలు వైరల్ అవుతున్న విషయం తెలిసిందే. సమాజంలో జరుగుతున్న ఘటనలకు సంబంధించి వీడియోలు నెట్టింట దర్శనమిస్తుంటాయి. ఇందులో కొన్ని ఘటనలు అందరినీ ఆకర్షిస్తుంటాయి. ఫన్నీ వీడియోలు, ఎమోషనల్ వీడియోలు, సాధారణంగా ప్రతీ ఒక్కరి జీవితంలో జరిగే ఘటనలు ఇంటర్నెట్ లో షేర్ చేయగా అందరినీ ఆకర్షిస్తుంటాయి. అయితే తాజాగా కొంత మంది యువతులు చేసిన ర్యాలీకి సంబంధించిన వీడియో అందరినీ ఆకట్టుకుంటుంది.
యువతులు యువకులపై నిరసన వ్యక్తం చేస్తున్నారు. అయితే గడ్డం గురించి కావడం విశేషం. గడ్డం తీయండి, ప్రేమను కాపాడండి అంటూ యవతులు ర్యాలీ చేపట్టారు. అమ్మాయిలు అందరూ కలిసి రోడ్డుపైకి ఎక్కారు. ఈ ఘటన ఇండోర్ లో వెలుగుచూసింది. యువకులు క్లీన్ షేవ్ చేసుకోవాలని డిమాండ్ చేస్తూ యువతులు ర్యాలీ చేపట్టారు. ఈ తరుణంలో ప్లకార్డులు పట్టుకుని నిరసన వ్యక్తం చేశారు.
క్లీన్ షేవ్, నో లవ్ అంటూ నినాదాలు చేశారు. గడ్డం కావాలో లేదా, ప్రియురాలు కావాలో మీరే నిర్ణయించుకోవాలని డిమాండ్ చేస్తున్నారు. ఇలా ఎన్నో రకాల నినాదాలు వ్యక్తం చేస్తూ ప్లకార్డులు పట్టుకుని ర్యాలీ చేశారు. అయితే ఇది వినోదాత్మకంగా, ఫన్నీగా చేస్తున్నారా, లేక నిజంగానే నిరసన తెలుపుతున్నారా అనేది అర్థం కావడం లేదు. మరికొందరు దీనిని షో కోసం లేక రీల్స్ కోసం సోషల్ మీడియాలో ఫేమస్ అవ్వాలని చేస్తున్నారంటూ పలువురు అభిప్రాయం వ్యక్తం చేస్తున్నారు. ఇది ఓ ప్రమోషన్ ఈవెంట్లో భాగంగా చేస్తున్నారని మరికొందరు అంటున్నారు. దీనికి సంబంధించిన వీడియో సోషల్ మీడియాలో వైరల్ అవుతోంది.
#WATCH | No Clean Shave, No Love: Indore Girls Take to the Streets with a Unique Condition for Dating Boys!#IndoreNews #viralvideo pic.twitter.com/yepTLKAZDL
— Free Press Madhya Pradesh (@FreePressMP) October 18, 2024