Forest Officer Fights With Leopard: రీల్ హీరోలు ఉంటారనే విషయం తెలుసు. అందరం సినిమాల్లో చూస్తూనే ఉంటాం. కానీ రియల్ హీరోలని ఎప్పుడైనా చూశారా. సాహసాలు చేస్తూ.. ప్రజలను రక్షిస్తే వారిని అందరూ నిజమైన హీరోలు అంటారు. తాజాగా అలాంటిదే ఓ ఘటన జరిగింది. ఇటీవల వన్యప్రాణులు జనారణ్యంలోకి ప్రవేశిస్తున్నాయి. క్రూరమృగాలైన పులులు, సింహాలు, ఎలుగుబంట్లు తరచూ ఏదో ఒక చోట దర్శనమిస్తూ వార్తల్లో నిలుస్తున్నాయి. ఇటీవల ఢిల్లీలో ఓ ఇంట్లో పులి ప్రవేశించగా.. చిన్నారి చాకచక్యంగా వ్యవహరించి తప్పించుకున్నాడు. మరోవైపు రెండు రోజుల క్రితం నార్త్ ఢిల్లీలోని ఓ ఇంటి టెర్రస్ పై పులి ప్రవేశించి ఆరుగురిపై దాడి చేసిన విషయాన్ని కూడా చూశాం. అయితే తాజాగా ఓ పులితో ఫారెస్ట్ ఆఫీసర్ కూస్తీ పట్టిన వీడియో నెట్టింట తెగ వైరల్ అవుతోంది.
పట్టపగలే ప్రజలు నివసిస్తున్న గ్రామాల్లోకి క్రూరమృగాలు ప్రవేశించి సంచారిస్తున్నాయి. అయితే తాజాగా శ్రీనగర్ లో ఓ పులి ప్రవేశించి హల్ చల్ చేసింది. పులిని చూసిన ఫారెస్ట్ ఆఫీసర్ ఒకరు దానితో ఫైట్ కూడా చేశాడు. అనంతరం ఆ ఆఫీసర్ కు సహకరించేందుకు మరికొంత మంది ఆఫీసర్లు చుట్టుముట్టారు. దీనికి సంబంధించిన వీడియో ప్రస్తుతం నెట్టింట ట్రెండ్ అవుతోంది.
https://twitter.com/asifiqbalbhat53/status/1775476915916374127?
Also Read: భయానకమైన వీడియో.. పాము తలపై ముద్దుపెట్టిన వ్యక్తి.. సోషల్ మీడియాలో వైరల్
శ్రీనగర్ లో ఫారెస్ట్ ఆఫీసర్లు తిరుగుతున్నారు. ఈ క్రమంలో వారున్న చోటుకి ఓ చిరుత మెల్లిగా దూసుకొచ్చింది. ఈ తరుణంలో ఓ ఫారెస్ట్ ఆఫీసర్ దానిని గమనించి దానితో ఫైటింగ్ ప్రారంభించాడు. ఈ తరుణంలో ఆ చిరుత ఫారెస్ట్ ఆఫీసర్ చేతిని గట్టిగా పట్టుకుంది. ఇక అక్కడే ఉన్న మరికొంత మంది ఆఫీసర్లు పరుగులు తీస్తూ వచ్చి.. చుట్టూ ఉన్న కర్రలతో పులిని చితకబాదారు. ఈ క్రమంలో పులి దాదాపు ఐదుగురిపై దాడి చేసింది. అయితే పులి సంచరిస్తుందని తెలిసే ఆఫీసర్లకు గ్రామస్థులకు సమాచారం ఇచ్చారట. దీంతో దానిని పట్టుకునేందుకు వచ్చిన సమయంలో ఈ ఘటన జరిగినట్లు తెలిపారు. ఇక గాయాలపాలైన ఆఫీసర్లు ప్రస్తుతం ఆసుపత్రిలో చికిత్స పొందుతున్నారు. పులిని బంధించి అక్కడి నుంచి తరలించినట్లు తెలిపారు.