Maruti Cars:- దేశంలో అమ్ముడవుతున్న కార్లలో మారుతి బ్రాండ్‌దే హవా. ఇప్పుడే కాదు.. ఏనాడూ మారుతి సేల్స్‌ను ఏ కంపెనీ బ్రేక్ చేసిందే లేదు. ఎప్పటికప్పుడు కొత్త మోడల్స్‌ను దింపుతూ.. ప్రత్యర్ధులకు పోటీ ఇస్తూనే ఉంది మారుతి. పైగా కొత్తగా రిలీజ్ చేస్తున్న మోడల్స్‌లో దాదాపు అన్నీ సక్సెస్ అవుతున్నాయి. పైగా మారుతి అనే బ్రాండ్ ఎలాగూ ఉండనే ఉంది. దీంతో మెజారిటీ కస్టమర్లు మారుతి బ్రాండ్‌నే ఎంచుకుంటున్నారు.

కార్ల సేల్స్‌లో టాప్-10 బ్రాండ్లు తీస్తే.. అందులో హ్యుందాయ్ క్రెటా, టాటా మోటార్స్ పంచ్, నెక్సాన్ మినహా మిగతావన్నీ మారుతి సుజుకి కార్లే.  అంటే.. గ‌త నెల‌లో జ‌రిగిన టాప్‌-10 కార్ల సేల్స్‌లో ఏడు మారుతి సుజుకి మోడ‌ల్ కార్లే.

గతంలో టాటా మోటార్స్ నెక్సాన్‌, పంచ్ మోడ‌ల్ కార్లు టాప్‌లో ఉండేవి. ఇప్పుడు వాటిని ప‌క్క‌కు నెట్టేసి మారుతి సుజుకి గ్రాండ్ విటారా వ‌చ్చింది. గ‌తేడాది మార్చిలో ఐదో స్థానంలో ఉన్న మారుతి సుజుకి స్విఫ్ట్.. మార్చిలో 28.8 శాతం వృద్ధితో మొద‌టి స్థానానికి చేరింది. గ‌తేడాది టాప్‌లో ఉన్న వాగ‌న్‌-ఆర్.. ఈ ఏడాది సెకండ్ ప్లేస్ కి వచ్చింది.

గ‌తేడాది టాటా నెక్సాన్, టాటా పంచ్‌లదే పాపులారిటీ. కాని, ఈ ఏడాది మార్చిలో మాత్రం టాప్‌-10 జాబితాలో నెక్సాన్ ఐదో స్థానానికి, పంచ్ తొమ్మిదో స్థానానికి ప‌డిపోయాయి. ఇక హ్యుందాయ్ గ్రాండ్ ఐ10 నియోస్ మోడ‌ల్ స్థానాన్ని టాటా పంచ్ రీప్లేస్ చేసింది.

ఇక మారుతి సుజుకి ఎస్‌యూవీ వేరియంట్ బాలెనో అమ్మకాలు పెరిగాయి. బ్రెజా మోడ‌ల్ సేల్స్ 30.45 శాతం వృద్ధి చెంద‌డంతోపాటు టాప్‌-10లో మూడో స్థానానికి చేరుకుంది. డిజైర్ మోడ‌ల్ కార్ల సేల్స్ మాత్రం భారీగా ప‌డిపోయాయి.

హ్యుందాయ్ క్రెటా ఎప్పటిలాగే క్రేజ్ పెంచుకుంటోంది. ఇక కియా మోటార్స్ సెల్టోస్, స్కోడా కుషాక్ మోడ‌ల్ కార్ల‌తో పోటీ ప‌డిన మారుతి సుజుకి గ్రాండ్ విటారా ప‌దో స్థానంలో నిలిచాయి. 

Share

• 
• 
• 
• 
• 
•