Solar AC:- ఎండలు మండిపోతున్నాయి. ఎండాకాలం అయిపోయినా.. దాదాపు సెప్టెంబర్ వరకు ఎండలు దంచుతూనే ఉంటాయి. ఇప్పుడు ఎల్‌నినో కూడా రాబోతోందనే అంచనాలున్నాయి. అంటే.. వర్షాలు తక్కువగా పడొచ్చు. సో, ఈ పరిస్థితుల్లో ఫ్యాన్లు, కూలర్లు పనిచేయవు. ఏసీలు ఫిట్ చేసుకోవాల్సిందే. అయితే, చాలా మంది ఏసీలు పెట్టించుకోకపోవడానికి ప్రధాన కారణం.. కరెంట్ బిల్లుకు భయపడే. మెయింటనెన్స్ ఖర్చుల గురించి తరువాత.. ముందు నెలనెలా బిల్లు వేలల్లో వస్తుందని భయపడుతుంటారు. అలాంటి భయాలకు చెక్ పెట్టేసి సోలార్ ఏసీ.

ఇప్పుడు మార్కెట్లోకి సోలార్ ఏసీలు వస్తున్నాయి. ఏసీలు కొనకపోవడానికి ప్రధాన కారణం కరెంట్ బిల్లేనని ఆలోచించిన కంపెనీలు.. సోలార్ మోడల్స్ తీసుకొస్తున్నాయి. సోలార్ ACతో కరెంట్ బిల్లుల గురించి అస్సలు భయపడక్కర్లేదంటున్నాయి కంపెనీలు. ఈ మోడల్స్‌లో 0.8 టన్ను, 1 టన్ను, 1.5 టన్ను, 2 టన్నుల వరకు విండ్ అండ్ స్ప్లిట్ సోలార్ ACలు మార్కెట్‌లోకి తీసుకొచ్చాయి.

కరెంట్‌తో నడిచే ఏసీని రోజుకు 15 గంటల పాటు వాడితే.. రోజుకు 20 యూనిట్లు కాలుతుంది. అంటే ఒక నెలకు 600 యూనిట్లు. కరెంట్ బిల్లు ఈజీగా 5వేల రూపాయలు వస్తుంది. అదే, సోలార్ ఏసీ అయితే.. కరెంట్ బిల్లు రూపాయి కూడా కట్టక్కర్లేదు. అంటే.. సోలార్ ఏసీ ఫిట్ చేసుకుంటే.. నెలకు  5 వేల వరకు సేవ్ చేసినట్టే. పైగా ఏసీ మెయింటనెన్స్ కూడా తక్కువే. పైగా ఒక్కసారి సోలార్ ఏసీ ఎంపిక చేసుకుంటే. 5 ఏళ్ల నుంచి 25 ఏళ్ల పాటు పనిచేస్తాయి. కాకపోతే, ఈ సోలార్ ఏసీల స్టార్టింగ్ ప్రైస్ ఎక్కువగా ఉంటుంది. 1 టన్ను సోలార్ ఏసీ ధర లక్ష వరకు ఉండగా.. 1.5 టన్ను కోసం 2 లక్షల వరకు చెల్లించాల్సి ఉంది. కాని, వన్ టైం ఇన్వెస్ట్ చేస్తే 25 ఏళ్ల పాటు కరెంట్ బిల్లు కట్టక్కర్లేదు. ఆ విధంగా చూసుకుంటే.. ఇవి బెటరే. 

Share

• 
• 
• 
• 
• 
•