Tech Bounce : కొవిడ్ నష్టాల అనంతరం రెండేళ్లకు యాపిల్ లాభాల బాట పట్టింది. అమెరికాకు చెందిన ఈ కంపెనీతో పాటు మరో 4 టెక్ దిగ్గజ సంస్థలు కూడా మూడో త్రైమాసికం(Q3)లో రికార్డు స్థాయిలో ఆదాయాన్ని పెంచుకున్నాయి.
గూగుల్(ఆల్ఫాబెట్), యాపిల్, ఫేస్ బుక్(మెటా), అమెజాన్, మైక్రోసాఫ్ట్ స్టాక్లను కలిపి GAFAMగా వ్యవహరిస్తున్నారు. GAFAM లో నాలుగు ఇతర సంస్థలకు భిన్నంగా యాపిల్ ఒక్కటే అంచనాల మేరకు అమ్మకాలను సాధించలేకపోయింది.
అయినా Q3లో లాభాలను ఆర్జించింది. మొత్తం మీద ఈ ఐదు టెక్ దిగ్గజ సంస్థలు కొవిడ్ నష్టాల నుంచి తేరుకున్నాయి. సెప్టెంబర్తో ముగిసే Q3లో యాపిల్ సేల్స్ 1 శాతం మేర తగ్గాయి. ఇది 89.5 బిలియన్ డాలర్లకు సమానం.
అయితే ఆదాయం మాత్రం 11% పెరిగింది. ఈ ఏడాది మూడో త్రైమాసికంలో 23 బిలియన్ డాలర్ల లాభాలు ఆర్జించింది యాపిల్ సంస్థ.2021తో పోలిస్తే నిరుడు ఆల్ఫాబెట్, మైక్రోసాఫ్ట్ లాభాలు స్వల్పంగా తగ్గాయి. అయితే ఈ ఏడాది Q3కే మరింతగా ఆర్జించాయి.
మైక్రోసాఫ్ట్ 22.3 బిలియన్ డాలర్లు, ఆల్ఫాబెట్ 19.7 బిలియన్ డాలర్ల మేర లాభాలు ఆర్జించాయి. ఇక ఫేస్బుక్ 11.6 బిలియన్ డాలర్లు, అమెజాన్ 9.9 బిలియన్ డాలర్ల ఆదాయాన్ని పొందగలిగాయి. GAFAM గ్రూపేతర కంపెనీలు కూడా కొవిడ్ నష్టాల నుంచి కోలుకున్నాయి.