Gyanvapi : హిందీలో వాపి అంటే.. బావి. జ్ఞానవాపి జ్ఞానం నిరంతరం ఊరే బావి అని అర్థం. లింగపురాణం ప్రకారం.. గంగానది కంటే ముందే జ్ఞానవాపి ఉంది. భూమ్మీద నీరు అనేది లేని రోజుల్లో పరమశివుడు తన త్రిశూలంతో నేలను తవ్వగా వచ్చిన ప్రదేశమే ఈ జ్ఞానవాపి. ఇక్కడే పరమశివుడు… పార్వతికి జ్ఞానాన్ని ప్రసాదించాడు. అందుకే దీనికి జ్ఞాన్వాపి అని పేరు వచ్చింది. ఎక్కడ నుండి నీరు వస్తుందో ఆ స్థానాన్ని జ్ఞానవాపి కుండం అని పిలుస్తారు. అదే నేటి ఆలయంలోని బావి అని హిందువుల వాదన.
లింగపురాణం పురాణం ప్రకారం.. కాశీలో మొత్తం 6 జలాశయాలు(వాపిలు) ఉన్నాయి. అవి..
1) జేష్ట వాపి. ఇది ఇప్పుడు కనుమరుగైంది.
2) కాశీ విశ్వనాథ ఆలయానికి ఉత్తరాన ఉన్న జ్ఞానవాపి.
3) కర్కోటక వాపి. దీనినే ఇప్పుడు నాగ కువా అని పిలుస్తున్నారు.
4) భద్ర వాపి. ఇది భద్రకూప ప్రాంతంలో ఉంది.
5) శంఖ చూడ వాపి. ఇది కనుమరుగైపోయింది.
6) సిద్ధవాపి. ఇది నేటి బాబూ బజార్లో నేటికీ ఉంది.
“దేవస్య దక్షిణ వాపి తిష్టి…తసీయాత్ వోద్కం పీత్వా పునర్జన్మ న విద్యతే.” ( ప్రాచీన విశ్వవేశ్వర ఆలయానికి దక్షిణ భాగంలో ఉన్న వాపి నీటిని సేవించడం ద్వారా జనన మరణాల నుండి విముక్తి లభిస్తుంది) అని లింగపురాణంలో దీని ప్రస్తావన ఉంది.
ఇదీ చదవండీ : గర్జిస్తున్న గతాన్ని ఇలా అధిగమిద్దామా..