KTR : బీఆర్ఎస్ కార్యనిర్వాహక అధ్యక్షుడు, మంత్రి కేటీఆర్కు ఆ పార్టీ నేత అలిశెట్టి అరవింద్ వెరైటీగా జన్మదిన శుభాకాంక్షలు తెలిపారు. 12 అడుగుల ఎత్తు, 45 అడుగుల వెడల్పు కలిగిన బస్సుకు ఇరువైపులా మంత్రి కేటీఆర్ చిత్రాలతో భారీ పోస్టర్లను ముద్రించారు.
ఐటీ, పురపాలక మంత్రిగా కేటీఆర్ సాధించిన విజయాలను ఆ పోస్టర్లలో పొందుపర్చారు. టీ హబ్, దుర్గం చెరువు తీగల వంతెన, నగరంలోని ఫ్లైఓవర్ల చిత్రాలను ఇందులో రూపొందించారు. ఈ బస్సు నేటి నుంచి 10 రోజులపాటు నగరంలోని వివిధ ప్రాంతాల్లో తిరగుతుంది. అతి తక్కువ కాలంలో అభివృద్ధి చేసి చూపించిన తమ నేత కలకాలం ఆయురారోగ్యాలతో జీవించాలని ఆ భగవంతుడిని వేడుకుంటున్నానని అలిశెట్టి అరవింద్ పేర్కొన్నారు.