TSPSC : తెలంగాణలో గ్రూప్ -4 ఉద్యోగాలకు TSPSC నోటిఫికేషన్ విడుదల చేసింది. ఈ నోటిఫికేషన్ ద్వారా 9,168 ఉద్యోగాలు భర్తీ చేస్తారు. డిసెంబర్ 23 నుంచి దరఖాస్తులు స్వీకరిస్తారు. దరఖాస్తులు సమర్పించడానికి జనవరి 12 వరకు గడువు ఉంది. ఏప్రిల్ లేదా మే లో రాత పరీక్ష నిర్వహించే అవకాశం ఉంది.
అత్యధికంగా మున్సిపల్, అర్బన్ డెవలప్ మెంట్ లో 2,701 పోస్టులు ఉన్నాయి. ఆ తర్వాత రెవెన్యూశాఖలో 2,077 పోస్టులు, ఉన్నత విద్యాశాఖలో 742 పోస్టులు, ఎస్సీ వెల్ఫేర్ లో 474 పోస్టులు ఉన్నాయి. బీసీ వెల్ఫేర్లో 307 పోస్టులు, ఆర్ధికశాఖలో 255 పోస్టులు, ట్రైబల్ వెల్ఫేర్ లో 221 పోస్టులు, హోమ్ శాఖలో 133 పోస్టులు, లేబర్ డిపార్ట్ మెంట్ లో 128 పోస్టులు, పాఠశాల విద్యాశాఖలో 97 పోస్టులు ఉన్నాయి. పౌర సరఫరాల శాఖలో 72 పోస్టులు, అగ్రికల్చర్, కో ఆపరేటివ్ శాఖలో 44 పోస్టులు, పశు సంవర్ధకశాఖ, డైరీ డెవలప్ మెంట్లో 2 పోస్టులకు నోటిఫికేషన్ విడుదలైంది.