YS Bhaskar Reddy got bail in Viveka Murder Case: వైఎస్ వివేకా హత్యకేసులో కీలక పరిణామం చోటుచేసుకుంది. వివేకా హత్యకేసులో అప్రూవర్ గా మారిన దస్తగిరి.. వైఎస్ అవినాష్ రెడ్డికి మంజూరు చేసిన ముందస్తు బెయిల్ పిటిషన్ కు కొట్టివేయాలని కోరుతూ తెలంగాణ హైకోర్టులో పిటిషన్ వేశాడు. దానిపై విచారణ జరిపిన కోర్టు.. దస్తగిరి పిటిషన్ ను కొట్టివేసింది. ఇరువైపుల వాదనలు విన్న న్యాయస్థానం వైఎస్ అవినాష్ రెడ్డి ముందస్తు బెయిల్ పిటిషన్ ను కొట్టివేయడానికి నిరాకరించింది.

ఇదే కేసులో అరెస్టైన వైఎస్ అవినాష్ రెడ్డి తండ్రి.. వైఎస్ భాస్కర్ రెడ్డికి బెయిల్ మంజూరు చేసింది. అనారోగ్య కారణాలను దృష్టిలో ఉంచుకుని ఆయనకు బెయిల్ మంజూరు చేస్తున్నట్లు తెలిపింది. ఎన్నికల ముంగిట అవినాష్ కుటుంబానికి బిగ్ రిలీఫ్ లభించినట్లయింది. ఇక.. ఇదే కేసులో ఉదయ్ కుమార్ రెడ్డి, సునీల్ యాదవ్ లు కూడా బెయిల్ కు దరఖాస్తు చేసుకోగా.. వారి బెయిల్ పిటిషన్లను కూడా తెలంగాణ హై కోర్టు కొట్టివేసింది.

Share

• 
• 
• 
• 
• 
•