School Holidays: తెలంగాణ విద్యార్థులకు రాష్ట్ర ప్రభుత్వం శుభవార్త చెప్పింది. సంక్రాంతి పండుగ సందర్భంగా స్కూళ్లకు సెలవులను ప్రకటించింది. సంక్రాంతికి 6 రోజులు సెలవులిచ్చింది. జనవరి 12వ తేదీ నుంచి 17 వరకూ పాఠశాలలకు సంక్రాంతి సెలవులిస్తున్నట్లు పేర్కొంది. ఈ సెలవుల్లో రెండో శనివారం, ఆదివారం కూడా కలిసిపోయాయి. 14వ తేదీ భోగి, 15న సంక్రాంతి, 16న కనుమ పండుగలతో పాటు అదనంగా జనవరి 17న ముక్కనుమ సెలవు కూడా ప్రకటించింది.

మిషనరీ స్కూళ్లు సహా.. అన్ని స్కూళ్లకు ఈ సెలవులు వర్తిస్తాయని పేర్కొంది. భోగి పండుగ మినహా.. 7,21,28 ఆదివారాలు, జనవరి 26న రిపబ్లిక్ డే సెలవు ఉంది. కాగా.. కళాశాలలకు సంక్రాంతి సెలవులు ఎన్నిరోజులుంటాయో తెలియాల్సి ఉంది. స్కూళ్లకు సెలవులు ప్రకటించడంతో.. సొంతూళ్లకు వెళ్లేవారంతా ప్రయాణాలకు సిద్ధమవుతున్నారు. ఆర్టీసీ బస్సులు, ట్రైన్లతో పాటు ప్రైవేట్ ట్రావెల్స్ సైతం ఫుల్ అయిపోయాయి.

Share

• 
• 
• 
• 
• 
•